2020/09/19
Америк доллар
МОНГОЛ БАНК:
2,854.35₮
B30
УЛААНБААТАР
14°
|
B30
УЛААНБААТАР
15°
|
B30
УЛААНБААТАР
17°
|
00:00
S26
01:00
S26
02:00
S26
03:00
S26
04:00
S26
05:00
S26
06:00
S26
07:00
S26
08:00
S26
09:00
S30
10:00
S30
11:00
S30
Энэ мэдээ хуучирсан буюу 2020/06/16 -нд нийтлэгдсэн мэдээ болно.

"Дарханы Төмөрлөгийн үйлдвэр" компанийн ажилтнууд ажил хаялт зарлахаа мэдэгдэв

Б.Билгүүн, iKon.mn
2020 оны 6 сарын 16
iKon.MN
Зураг
гэрэл зургийг MPA.mn

Дарханы Төмөрлөгийн үйлдвэр ХК-ийн Үйлдвэрчний эвлэлийн хорооноос тус үйлдвэрийн ажилчдын нийгмийн асуудал, ажиллах нөхцөл, цалин хөлсний асуудлаар өнөөдөр мэдээлэл хийлээ.

Компанийн хөрөнгө, баялаг шударга бусаар хяналтгүй зарцуулагдаж, баялгийг бүтээж буй ажилчид баялгаасаа хүртэж, хөдөлмөрөө шударга үнэлүүлж чадахгүй байгаа тул ийнхүү мэдээлэл хийхэд хүрсэн хэмээн Дарханы төмөрлөгийн үйлдвэр ХК-ийн Үйлдвэрчний эвлэлийн хорооны дарга Ц.Сувдгэрэл мэдээллийн эхэнд онцлов.

"Манай үйлдвэр уул уурхайн салбарын бусад үйлдвэрүүдээс хамгийн бага цалинтай"

 
гэрэл зургийг MPA.mn

Үргэлжлүүлэн тэрбээр “Ган бүтээгдэхүүн үйлдвэрлэдэг үйлдвэр маань өнөөдөр 27 дахь жилдээ үйл ажиллагаагаа явуулж байна. Гэтэл өнөөдөр үйлдвэрийн хэвийн үйл ажиллагаа алдагдаж, хүдэр зөөдөг уурхай болон хувирлаа. Хүнд нөхцөлд ажилладаг туршлага дадлагатай ажилчдын маань цалин орлого нэмэгдсэнгүй. Нийгмийн хамгааллын асуудал огт шийдэгдсэнгүй.

Өнөөдөр бусад төрийн өмчит компаниуд ашигтай ажиллаж, жил болгон ажилчдадаа ашгаасаа өгч байхад манайх сүүлийн таван жил нэг ч урамшуулал олгогдоогүй. Шалтгааныг нь асуухаар алдагдалтай ажиллаж байгаа гэдэг. Манай компани уг нь Монгол Улсын хамгийн их нөөцтэй, хүдрийн өндөр агууламжтай стратегийн ордыг ашигладаг. Тэгээд өдөр шөнөгүй хоёр уурхайгаасаа олборлолт борлуулалт хийж байна. Манай үйлдвэр уул уурхайн салбарын бусад үйлдвэрүүдээс хамгийн бага цалинтай. Уул уурхайн салбарын 2019 оны дундаж цалин 2.6 сая байхад манай үйлдвэрийн ажилчид 50 хувийн цалинг нь ч авдаггүй.

Ажилчид үйлдвэрийнхээ ирээдүйд итгэлгүй ажиллаж байна. Бид 2020 оны зургаадугаар сарын 8-нд компанийнхаа ТУЗ-д найман заалт бүхий шаардлагыг хүргүүлсэн боловч өнөөдрийг хүртэл албан ёсны хариу ирээгүй. Иймд хуулийн хүрээнд тэмцлийн дараагийн шатны арга хэмжээг авна. Цаашлаад ажил хаяна гэдгээ албан ёсоор мэдэгдэж байна” гэв.

"Нэр дэвшигчид эхнээсээ холбогдож, хамтарвал үр дүн, хариуцлагын гэрээ байгуулаад ажиллах саналтай байна"

 
гэрэл зургийг MPA.mn

Үйлдвэрийн хуучин ажилчин Г.Хишигбаяр “Миний бие тус төмөрлөгийн үйлдвэрт 2009-2018 оны арван нэгдүгээр сар хүртэл бараг есөн жил инженерээр ажиллаж байгаад тус сардаа өөрийн хүсэлтээр ажлаасаа чөлөөлөгдсөн. Чөлөөлөгдсөн ганц шалтгаан нь цалин хангамжийн асуудал. Монголын уул уурхайн салбарт ажиллагсдын цалин хангамж тогтвортой өсөж байхад манай уурхай 2014 оноос хойш  2018 он хүртэл бараг тогтмол нэг хэмжээний цалинтай явсан. Бид сонгуультай холбоотойгоор энэ асуудлаа овжин ашиглахыг хүссэн юм. 

Өөрөөр хэлбэл, Дархан-Уул аймгийн 19 дүгээр тойрогт 25 хүн нэр дэвшиж байгаа. Иймд Дарханы төмөрлөгийн үйлдвэр ХК-ийг ирэх парламентын хугацаанд төрийн өмчид авч чадах нэр дэвшигчийг бид дэмжье. Хэн байх нь бидэнд сонин биш.  Дарханы төмөрлөгийн үйлдвэр ХК нь 1,200 гаруй ажилчинтай. Тэднээс хамааралтай хамааралгүй олон иргэн бий. Бидний үйл хэргийг ямар хүн дэмжиж оролцох нь л сонин байна. Бидэнтэй нэр дэвшигчид эхнээсээ холбогдож, хамтарвал үр дүн, хариуцлагын гэрээ байгуулаад ажиллах саналтай байна" гэв. 

x