Бээжин хотын орчмоос олдсон хүрэл пайз

Монголын Үндэсний музей цувралын үзмэрээ үзэх, сонсох, унших боломжтойгоор үзэгч олондоо толилуулж байгаа билээ.

Энэ удаад хүрэл пайзыг танилцуулж байна.

Пайзыг хүрлээр цутгаж нүүрэн талд нь “Зар тунхаг магадыг сэрэмжлэх” гэсэн зарлигийн үгийг перс, монгол, дөрвөлжин бичгээр, ар талд Хятад ханзаар тус тус бичжээ.

Пайзны дээд талд домгийн гарьд шувууг дүрсэлж, зүүх сэнж гаргасан. Пайз нь анх Бээжин хотын орчмоос олджээ. Дараа нь ЗХУ-д шилжээд, сүүлд Монгол Улсад шилжүүлсэн хэмээн тэмдэглэсэн байна.