"Дэлхийн мисс-2019"-ийн финалын шоуг мисс М.Цэвэлмаагийн танилцуулга видеогоор нээнэ
Английн Лондон хотноо болж буй “Дэлхийн мисс-2019” тэмцээний финалын шоуг Монголын мисс М.Цэвэлмаагийн танилцуулга видеогоор эхлүүлэхээр болжээ.
Финалын шоу маргааш Улаанбаатарын цагаар 22:00 цагт эхлэх бөгөөд MNC телевиз шууд дамжуулан хүргэх юм байна.
Түүний танилцуулга видео өчигдрийн байдлаар нийт үзэлтийн тоогоороо хоёрдугаар байрт явж байв.
"Дэлхийн мисс-2019" тэмцээнд 130 орны гоо бүсгүй оролцож байгаа бөгөөд мисс М.Цэвэлмаагийн авьяасын үзүүлбэр топ 20-д, хүмүүнлэгийн ажил топ 10-т багтаад байгаа. Манай улсаас эх орноо төлөөлөн "Дэлхийн мисс" тэмцээнд оролцож байсан оролцогчдоос хүмүүнлэгийн ажил нь шилдэгт багтсан анхны тохиолдол энэ юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
