2020/04/09
Америк доллар
МОНГОЛ БАНК:
2,781.19₮
B30
УЛААНБААТАР
15°
|
-2°
B30
УЛААНБААТАР
16°
|
B30
УЛААНБААТАР
18°
|
00:00
S31
01:00
S31
02:00
S31
03:00
S31
-1°
04:00
S31
-2°
05:00
S31
-2°
06:00
S31
-2°
07:00
S32
-1°
08:00
S32
09:00
S32
10:00
S32
11:00
S32
Энэ мэдээ хуучирсан буюу 2019/01/15 -нд нийтлэгдсэн мэдээ болно.

Г.Энхтуул: Хайч галд ариутгаж, спиртээр угааж байгаад хүүхдийн хүйг тасалсан

А.Ням-Өлзий, iKon.mn
2019 оны 1 сарын 15
iKon.MN
Зорчигч тээврийн дипо пэйжээс авав.

Шарын гол-Дархан чиглэлийн галт тэргэнд энэ сарын 14-нд буюу өчигдөр нэгэн эмэгтэй амаржиж хүүтэй болжээ

Тухайн өдрийн 19:40 цагт Шарын голоос хөдөлсөн галт тэргэнд зорчигч эмэгтэй өвдөж, ёолж эхэлжээ. Галт тэрэгний үйлчлэгч Г.Энхтуул төрөх дөхсөн хүн явж байгааг Дархан руу мэдэгдсэнээр вокзал дээр эмнэлгийн машин хүлээлгэсэн байна.

Гэвч Дархан хүрэлгүйгээр зорчигч эмэгтэй төрөх болсон учир хүүхдийг эх барихад бэлдэж эхэлжээ. Ингээд 20:25 цагт зорчигч М.Номин-Эрдэнэ нярайлж, үйлчлэгч Г.Энхтуул хүүхдийг эх барьж авсан аж. 

Галт тэрэг Дарханд хүрмэгц эх, хүүхэд хоёрыг эмнэлгийн машин тосч авжээ. 

Энэ талаар хүүхдийг эх барьсан үйлчлэгч Г.Энхтуулаас тодрууллаа. 

-Таны гарч байсан ээлжин дээр шинэ хүн мэндэлж, та эх барьж авсан юм байна. Тухайн үеийн сэтгэгдлээсээ хуваалцахгүй юу? 

-Тэр үед маш сандарсан. Зорчигч М.Номин-Эрдэнийг жирэмсэн гэдгийг эхлээд мэдээгүй. Галт тэрэг Шарын голоос хөдөлсний дараа зорчигчдод цай тараагаад явж байтал нэг эмэгтэй ёолоод байсан. “Яасан миний дүү зүгээр үү” гэж асуутал жирэмсэн байсан. Тэгээд л сандарчихсан. “Яана аа яана аа” гээд л сандраад гүйгээд байсан.   

М.Номин-Эрдэнэ “Эгчээ би кесеров хагалгаагаар төрдөг юм аа” гэхээр нь “Эгч нь кесеров хагалгаа хийж чадахгүй. Гараараа л төрүүлье” гэсэн. Тэгээд хамтрагч Ц.Гансүхээ дуудаад гоц халдварт өвчний үед хэрэглэдэг ариутгасан цагаан хэрэглэлээ гаргуулсан. 

Ингээд наймдугаар купейг даавуугаар тусгаарлаад, нэг удалгүй 20:25 цагт хүүхдийг эх барьж авсан. М.Номин-Эрдэнэ өмнө нь хоёр охиноо кесеров хагалгаагаар төрүүлсэн юм билээ. 

-Та төмөр замд хэдэн жил ажиллаж байна вэ. Өмнө нь хүүхэд эх барьж авч байсан уу. Яаж эх барьж авсан бэ? 

-Би 20 жил ажиллаж байна. Өмнө нь хүүхэд эх барьж авч байгаагүй. Галт тэрэгний кассер/явуулын тасалбар түгээгч/-ийн хайчийг галд ариутгаж, спиртээр угааж байгаад хүйг нь тасалсан. Дархан дээрээс тосч авсан эмч хүйг нь зөв тасалсан, цус гаргаагүй сайн байна гэж магтсан. Тэр эмч баярлаж догдлоод намайг барьж авч үнссэн. 

Хүүхэд эх барьж авах үед маш их сандарч, тэвдсэн ч дараа нь үнэхээр сайхан санагдсан. Өөрийн эрхгүй баярлаад шөнө ч унтаж чадаагүй. Нэг л сайхан санагдаад байгаа.

Бас нэг бэлгэшээлтэй явдал нь хоккейн багийн хүүхдүүд тэмцээнд орж, түрүүлээд буцаж явсан юм. Тэд шинэ төрсөн хүүг “Ах шигээ мундаг хоккейчин” болоорой гэж ерөөж, шагналынхаа мөнгөөр мялааж байсан. Их хөөрхөн.        

 

x