Уншиж байна ...
Зураг
Зураг
ХУУЧИРСАН МЭДЭЭ: 2018/01/22-НД НИЙТЛЭГДСЭН

Амазоны хиймэл оюунаар тоноглогдсон анхны хүнсний дэлгүүр өнөөдөр нээгдэж байна

Р.Түвшин, iKon.mn
2018 оны 1 сарын 22
iKon.MN
Зураг зураг

Амазон компани өнөөдөр буюу Даваа гарагт “Amazon Go” нэртэй хүнсний дэлгүүрийн загварыг өөрийн төв байр оршдог Вашингтон мужийн Сиэтл хотод туршилтаар нээж байна.

Уг дэлгүүрт касс, өөрөө өөртөө үйлчлэх автомат машин огт байхгүй. Харин дэлгүүрт орохын тулд хүмүүс Amazon Go аппликэшнээр код уншуулах ба дараа нь тэдний хаагуур явж, юу авч байгааг хиймэл оюуны технологи хянаж, бүртгэж байх юм.

Дууссаны дараа зүгээр л дэлгүүрээс гараад явна. Авсан барааны тооцоо Amazon сүлжээн дэх бүртгэлтэй данснаас нь тооцогдох юм. Хиймэл оюун камераар хүмүүсийг хэн болох, юу авч байгааг таньж, бүртгэж байна гэсэн үг.

Амазон компани энэ технологио жил гаруйн өмнө ажилчид дотроо туршиж эхэлсэн гэдэг. Хиймэл оюунт роботууд хүнээс ажлын байрыг нь булаах тухай сүүлийн үед их яригдаж байгаа.

Тэгвэл Амазоны энэ туршилт АНУ даяар супермаркетуудад ажиллаж байгаа 3.5 сая кассчдад аюулын дохио болж байна.

 

Эх сурвалж: Quartz