ФОТО: Хамтарсан Засгийн газрын ирээдүйг шийдэх МАН-ын Бага хурал эхэллээ
Монгол Ардын Намын Бага хурал Тусгаар тогтнолын ордонд өнөөдөр эхэллээ.
Энэ долоо хоногийн Даваа гарагт болсон УИХ дахь МАН-ын бүлгийн хуралдааны үеэр Ерөнхий сайд Л.Оюун-Эрдэнэ үүсээд буй улс төрийн нөхцөл байдлын талаар бүлгийн гишүүдэд мэдээлэл өгсөн. Улмаар МАН-ын Удирдах зөвлөл болон Бага хурлыг зарлан хуралдуулж, улс төрийн нөхцөл байдлыг тал талаас нь ярилцах нь зүйтэй хэмээн үзсэн учраас өнөөдрийн хурлыг зохион байгуулж байгаа аж.
Хурлаар хамтарсан Засгийн газрын үйл ажиллагааг үргэлжлүүлэх эсэхийг шийдэх юм. Өнөөдөр УИХ-д суудалтай намуудын хамтрал цааш үргэлжлэх үү, дараагийн Ерөнхий сайд хэн болох вэ гэдэг тодорхой болох нь.
ФОТО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
