Монгол Улсад анх удаа амны хүрцээр бамбай булчирхайн зангилаа авах дурангийн мэс заслыг амжилттай хийжээ
Улсын Нэгдүгээр Төв Эмнэлэг (УНТЭ)-ийн эмч нар Монгол Улсад анх удаа амны хүрцээр бамбай булчирхайн зангилаа авах дурангийн мэс заслыг амжилттай хийсэн байна.
Тус эмнэлгийн М.Баярмагнай эмчээр ахлуулсан дотоод шүүрлийн мэс заслын баг TOETVA (Transoral Endoscopic Thyroidectomy Vestibular Approach) буюу амны хүрцээр бамбай булчирхайн зангилаа авах дурангийн мэс заслыг анх удаа амжилттай нэвтрүүлж, одоогоор хоёр тохиолдлыг амжилттай хийж гүйцэтгээд байна.
Энэхүү мэс засал нь дэлхийн сүүлийн үеийн дэвшилтэт технологид тооцогддог олон улсад өргөн хэрэглэгдэж буй шинэ арга юм.
Арьсан дээр ил зүслэг хийлгүйгээр, амны хөндийгөөр дамжуулан дурангийн аргаар бамбай булчирхайд мэс засал хийн эмчлүүлэгчид мэс заслын дараа өвдөлт бага, эдгэрэлт түргэсэх, гоо сайхны талаас арьсан дээр ил сорвигүй зэрэг олон давуу талтайгаараа онцлогтойг Эрүүл Мэндийн Яамнаас мэдээллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
2 СЭТГЭГДЭЛТЭЙ
|
