Ерөнхийлөгч

Монгол Улсын Ерөнхийлөгч Ц.Элбэгдорж Исламын Бүгд Найрамдах Иран Улсаас Монгол Улсад суугаа Элчин сайд Махди Сафариг өнөөдөр хүлээн авч уулзлаа.

Монгол Улсын Ерөнхийлөгч өнөөдөр зарим хүмүүст шагнал гардууллаа. Онцолбол, үзэгчдийн танил болсон "Драмын дөрөв" хамтлагийн ахлагч, УДЭТ-ийн ерөнхий найруулагч Н.Наранбаатарт Төрийн соёрхол хүртээлээ.

УИХ-ын намын бүлгүүд өнөөдөр хуралдана. Тэд Монгол Улсын Үндсэн хуулийн Дөрөв дүгээр бүлгийн нэмэлт, өөрчлөлтийн талаар хэлэлцэх юм байна. Мөн “Том төрөөс ухаалаг төр лүү” шилжих асуудлаар Монгол Улсын Ерөнхийлөгч Ц.Элбэгдоржийн Улсын Их Хурлын гишүүдтэй хийх уулзалт 15.00 цагаас “А” танхимд болно.

Өмнөд Африкийн Бүгд Найрамдах Улсын анхны ардчилсан Ерөнхийлөгч, ардчилал, шударга ёс, хүний эрхийн төлөө тууштай тэмцэгч Нельсон Мандела таалал төгссөнд эмгэнэл илэрхийлж, Монгол Улсын Ерөнхийлөгч Ц.Элбэгдорж ӨАБНУ-ын Ерөнхийлөгч Жакоб Зумад эмгэнэлийн захидал илгээжээ.

Монгол Улсын Ерөнхийлөгч Ц.Элбэгдорж өнөөдөр “Bloomberg” телевизэд ярилцлага өгөв. Хөтлөгч Э.Долгион: -Таныг манай телевизэд ярилцлага өгч байгаад их баярлалаа. Нелсон Манделаг таалал төгссөнийг зөвхөн Өмнөд Африкт төдийгүй олон улсад нэг эриний төгсгөл ирлээ гэж дэлхийн удирдагчид ярьж байна. Таны хувьд Нелсон Манделагийн талаар юу хэлэх вэ?

Монгол Улсын Ерөнхийлөгч Ц.Элбэгдорж өнөөдөр Бүгд найрамдах Энэтхэг улсаас Монгол Улсад суугаа Онц бөгөөд Бүрэн эрхт Элчин сайд Сатбир Сингхийг эх орондоо бүрмөсөн буцах гэж байгаатай нь холбогдуулан хүлээн авч уулзан хоёр орны харилцаа, хамтын ажиллагааны талаар ярилцлаа.

ССАЖЯам Аялал жуулчлалын тухай хуулийн шинэчилсэн найруулгын төслийг боловсруулаад байгаа бөгөөд уг хуулийн төслийг салбарынхандаа танилцуулах, санаа бодлыг нь сонсох, тусгах, харилцан санал солилцох зорилгоор нээлттэй хэлэлцүүлгийг зохион байгуулах гэж байна.

Ерөнхийлөгчийн Тамгын газрын дарга, Агаарын бохирдлыг бууруулах Үндэсний хорооны дарга П.Цагаантай цаг үеийн асуудлаар ярилцлаа Ерөнхийлөгчөөс “Агаарын тухай хууль”-д нэмэлт өөрчлөлт оруулах тухай хуулийн төслийг Улсын Их Хуралд өргөн барилаа. Энэ талаар Агаарын бохирдлыг бууруулах Үндэсний хорооны даргын хувьд танаас хэдэн зүйл тодруулъя?

Монгол Улсын Ерөнхийлөгч Ц.Элбэгдорж 2013 оны арваннэгдүгээр сарын 25-ны өдөр Засгийн газарт чиглэл өгсөн 178 дугаар зарлиг гаргасан юм. Улаанбаатар хотын ундны усны эх үүсвэрийг хамгаалах, хот, суурин газрын иргэдийн амралт, чөлөөт цагаа зөв боловсон өнгөрүүлэх орчин нөхцөлийг бүрдүүлэх зорилгоор дараах арга хэмжээнүүдийг авч хэрэгжүүлэхийг Засгийн газарт уг зарлигаар чиглэл болгожээ.

НҮБ-ын Аюулгүйн зөвлөлийн “Бүгд найрамдах Өмнөд Судан улсад тогтвортой байдлыг тогтоох тухай” 2011 оны 1996 дугаар шийдвэрийн дагуу Монгол Улсаас 2012 оны дөрөвдүгээр сараас эхлэн 850 хүний бүрэлдэхүүнтэй цэргийн баг Өмнөд Суданд энхийг сахиулах UNMISS /United Nations Mission in South Sudan/ ажиллагаанд оролцсон юм.

Ерөнхийлөгч энэ сарын 18-29-ний өдрүүдэд Зүүн өмнөд Азийн зарим оронд хийсэн төрийн айлчлал өндөрлөж өнөөдөр эх орондоо хүрэлцэн ирлээ. Тэрбээр Мьянмарын холбооны Бүгд Найрамдах улс, Бүгд найрамдах Социалист Вьетнам улс, Бүгд найрамдах Сингапур улсад төрийн айлчлал хийсэн. Мөн БНХАУ-ын Засаг захиргааны онцгой бүс Хонконгд Олон улсын эдийн засгийн чуулга уулзалтад хүндэт зочноор оролцон илтгэл тавьсан юм.

Монгол Улсын Ерөнхийлөгч Цахиагийн Элбэгдоржийн төрийн айлчлал БНХАУ-ын Засаг захиргааны онцгой бүс Хонконгт үргэлжилж байна. Ерөнхийлөгч айлчлалынхаа хүрээнд өчигдөр зохион байгуулагдсан Монгол, Хонконгийн бизнес форумд оролцлоо. Монголын ажил олгогч эздийн нэгдсэн холбоо, Mongolia Club болон Skypath Partners зэрэг байгууллагуудын хамтран зохион байгуулсан арга хэмжээг нээж, Mongolia Club-ийн нарийн бичгийн дарга Виктор Янг үг хэллээ.

Монгол Улсын Ерөнхийлөгч Цахиагийн Элбэгдорж Бүгд Найрамдах Сингапур Улсад /БНСУ/ энэ сарын 26-нд болсон “Дэлхий 2014 онд” олон улсын эдийн засгийн арга хэмжээнд оролцлоо. The Economist сэтгүүлийн эрхлэгч Дэниэль Фрэнклин “Дэлхий 2014 онд” арга хэмжээг нээж үг хэлсний дараа Ерөнхийлөгч Ц.Элбэгдоржийг тайзнаа урин сонирхсон асуултдаа хариулт авлаа.

Монгол Улсын Ерөнхийлөгч Ц.Элбэгдорж энэ сарын 25-нд зохиогдсон Монгол-Сингапурын бизнес форумд оролцлож үг хэллээ. Ерөнхийлөгчийн хэлсэн үгнээс товчлон хүргэж байна. ....Нэгэн сайхан зүйл хэлэхэд Монгол Улс 2012 онд зөвхөн нэг жилийн дотор дэлхийн авлигын үзүүлэлтээр 26 байр урагшилсан. Ингэснээр бид авлигыг хамгийн богино хугацаанд хамгийн үр дүнтэй бууруулж чадсан улс орноор шалгарсан юм. Бид энэ амжилтыг цааш нь ахиулахын төлөө зүтгэх болно. Бид Монгол Улсдаа бизнес хийхэд хамгийн таатай орчныг бүрдүүлж, цаашид зөвхөн урагшаа зүтгэх ёстой.

Монгол Улсын Ерөнхийлөгч Цахиагийн Элбэгдорж Бүгд Найрамдах Социалист Вьетнам Улсын /БНСВУ/ Ханой хот дахь Вьетнамын Гадаад хэргийн яамны дэргэдэх Дипломатын академид зочилж, лекц уншлаа.