Аялал жуулчлалын тухай хуулийн шинэчилсэн найруулгын төслийн нээлттэй хэлэлцүүлгийг зарлалаа
ССАЖЯам Аялал жуулчлалын тухай хуулийн шинэчилсэн найруулгын төслийг боловсруулаад байгаа бөгөөд уг хуулийн төслийг салбарынхандаа танилцуулах, санаа бодлыг нь сонсох, тусгах, харилцан санал солилцох зорилгоор нээлттэй хэлэлцүүлгийг зохион байгуулах гэж байна.
Хэлэлцүүлгийг энэ сарын 9-ний өдрийн 14.00 цагт Монгол Улсын Ерөнхийлөгчийн Тамгын Газрын дэргэдэх Иргэний танхимд хийнэ. Уг хэлэлцүүлэгт оролцох хүсэлтэй иргэд, байгууллага, аж ахуй нэгжийн төлөөллөгчдийг энэ сарын 5-ны өдрийн 12.00 цаг хүртэл ССАЖЯамны Аялал жуулчлалын бодлогын хэрэгжилтийг зохицуулах газрын 213 тоотод бүртгэж байна.
Дэлгэрэнгүй мэдээлэл авахыг хүсвэл Аялал жуулчлалын бодлогын хэрэгжилтийг зохицуулах газрын мэргэжилтэн Ц.Гэрэлсайхантай 99043129, ажлын 311174 дугаарын утас болон tsgerelsaikhan@yahoo.com цахим хаягаар холбогдоно уу.
Жич: Хэлэлцүүлэгт ирэхдээ албаны хувцастай, иргэний үнэмлэхтэйгээ хүрэлцэн ирнэ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
