Сар шинийн баярын өдрүүдэд 900 гаруй замын цагдаагийн алба хаагч, сонсогч нар ажиллажээ

Монгол түмний уламжлалт Сар шинийн баярын өдрүүдэд Замын цагдаагийн алба хаагчид Монгол Улсын замын хөдөлгөөний аюулгүй байдлыг хангах, зам тээврийн осол, хэргээс урьдчилан сэргийлэх, эрдэнэт хүний амь нас, эрүүл мэнд, эд хөрөнгийг хамгаалах эрхэм үүргээ нэр төртэй биелүүлэн ажиллалаа.

Эдгээр өдрүүдэд Замын цагдаагийн алба хаагчид өндөржүүлсэн бэлэн байдалд, бүрэн бүрэлдэхүүнээрээ ажилласан бөгөөд замын хөдөлгөөн зохицуулахаар нийт 900 гаруй замын цагдаа, ХСИС-ийн сонсогч, хэв журмын алба хаагч нар ажиллалаа.

Мөн бүх нийтийн амралтын өдрүүдэд буюу Сар шинийн Шинийн 1,2,3-ны өдрүүдэд тээврийн хэрэгслийн улсын дугаарын хязгаарлалт үйлчлээгүй.

Тэгвэл маргаашнаас буюу Пүрэв гарагаас эхлэн тээврийн хэрэгслийг улсын дугаарын сүүлийн оронгоор хязгаарлан хөдөлгөөнд оролцуулж эхэлнэ. Өөрөөр хэлбэл маргааш тээврийн хэрэгслийн улсын дугаар нь 4,9-өөр төгссөн тээврийн хэрэгсэл 08-20 цагийн хооронд хязгаарлагдсан бүсчлэлд замын хөдөлгөөнд оролцохгүй юм.

 

Эх сурвалж: Замын цагдаагийн алба