ФОТО: Гадаад ажилтан, ажиллах хүчтэй холбоотой хуулийн төслийг эсэргүүцсэн иргэд жагслаа

Гэрэл зургийг MPA агентлагийн онцгой зөвшөөрөлтэйгөөр ашиглав

Өнгөрсөн долоо хоногт УИХ-ын гишүүд болон Засгийн газраас өргөн мэдүүлсэн хоёр хуулийн төсөл олны анхаарал татсан билээ.

Тодруулбал П.Сайнзориг тэргүүтэй УИХ-ын таван гишүүн Монгол Улсад хөдөлмөр эрхлэх гадаад ажилтны тоо, хувь хэмжээ тогтоохгүй байх, гадаад ажилтны ажлын байрны төлбөрөөс чөлөөлөх тухай хуулийн төслийг өргөн барьсан бол Гэр бүл, хөдөлмөр, нийгмийн хамгааллын сайд Л.Энх-Амгалан Ажиллах хүчний шилжилт хөдөлгөөний тухай хуульд нэмэлт, өөрчлөлт оруулах тухай хуулийн төслийг танилцуулсан юм.

Тэгвэл эдгээр хуулийн төслийг эсэргүүцсэн Иргэдийн төлөөлөл өнөөдөр Сүхбаатарын талбайд жагсаал хийлээ. 

Мөн энэ үеэр Засгийн Газар, УИХ-д шаардлага хүргүүлжээ. Иргэдийн Оролцооны Нэгдэл Нам болон САИН намын хамтарсан шаардлагад "Монголчуудыг эх орноос нь шахан гаргаж, гадаадын ажилчдыг үй олноор авчирч, Үндэсний Аюулгүй Байдалд аюул учруулах хууль санаачилсан Засгийн Газар бүрэн бүрэлдэхүүнээрээ огцрох, уг хуулийг зэрэгцүүлэн өргөн барьсан таван гишүүнийг буцаан татах, хэлэлцэхгүй байх. Хэрэв хэлэлцэж батлах юм бол УИХ тар" гэсэн агуулгатай аж.

Түүнчлэн энэ сарын 25, 26, 27-ны өдөр Иргэдийн эсэргүүцлийн жагсаал зохион байгуулах мэдэгдлийг Цагдаагийн байгууллагад өгсөн байна.

Эсэргүүцсэн иргэд автозамын хөдөлгөөнийг хаах гэж оролджээ.

ФОТО