Бангладешд Япон иргэн буудуулж нас баржээ

Бангладешд нэгэн Япон иргэнийг буудаж хөнөөжээ. Энэ нь энэ долоо хоногт гадаадын иргэнд халдсан хоёр дахь тохиолдол гэж цагдаа нар мэдэгдсэн байна. 

Нас барсан Япон иргэн Кунио Хоши нь Кауниа хотод хөдөө аж ахуйн төсөл дээр ажилладаг байсан бөгөөд Исламын улсын дайчдын халдагад өртжээ. Энэ явдлаас хэдхэн хоногийн өмнө Бангладешийн нийслэл Дака хотод Италиас ирсэн тусламжийн ажилтан жихадист бүлэглэлийн халдлагад өртөж нас барсан байна. 

Гэвч хуулийн байгууллагууд ямар нэг баталгаа олоогүй байгаа аж. Кунио Хошигийн цогцсыг орон нутгийн эмнэлэгт хүргэсэн бөгөөд хэрэг нь мөрдөн байцаах шатандаа явж байгаа юм байна. Бангладешд гадаадын иргэд рүү дайрах хэрэг ховор боловч Исламын улс хүчирхийлэл явуулах нь ихэссэн тухай сэтгүүлчид мэдээлжээ.

Эх сурвалж: BBC