Дональд Трамп: С.Хусайн, М.Гаддафи нар байсан бол Ойрх Дорнод амгалан байх байлаа
Өчигдөр буюу Ням гарагт Бүгд Найрамдах намаас ерөнхийлөгчийн сонгуульд өрсөлдөж байгаа Дональд Трамп, хэрвээ Саддам Хусайн, Муаммар Гаддафи нар засгийн эрхэнд байсан бол Ойрх Дорнод илүү тогтвортой байх байлаа гэж мэдэгджээ.
Трамп ингэж хэлэхдээ одоогийн Сирийн нөхцөл байдлыг Ирак, Ливитэй харьцуулсан байна.
NBC телевизэд ярихдаа Трамп “хэрвээ Ливийг харвал бидний тэнд хийсэн зүйл бол сүйрэл, хэрвээ Иракийг харвал бидний тэнд хийсэн зүйл бол сүйрэл” гээд “Сирид ч ийм зүйл болж байна” гэжээ.
NBC-гийн сэтгүүлчийн “хэрвээ Саддам, Гаддафи нар засгийн эрхэнд байсан бол Ойрх Дорнод илүү амгалан байх байсан уу?” гэсэн асуултанд Трамп “Мэдээж, тэгэлгүй яахав” хэмээн хариулсан байна.
Тэр бас өмнө нь Исламын улстай дайтахад Оросын оролцоо хэрэгтэй, хэчнээн тэд Ассадын дэглэмийг дэмжиж байгаа ч гэсэн хэмээн мэдэгдэж байсан юм.
Мөн өнгөрсөн долоо хоногт Трамп хэлэхдээ Ассадыг зайлуулбал түүнээс ч дор хүн залгамжлах боломжтой гэж мэдэгдэж байлаа.
Дональд Трамп нь 2016 оны 11 дүгээр сард болох АНУ-ын ерөнхийлөгчийн сонгуульд нэр дэвшихээр Бүгд Найрамдах намаас өрсөлдөн, олон нийтийн санал асуулгаар тэргүүлж яваа юм.
Эх сурвалж: Reuters
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
6 СЭТГЭГДЭЛТЭЙ
|
