Орон нутгийн иргэд харьяа цагдаагийн байгууллагадаа хандаж, жолоодох эрхээ сэргээлгэнэ

Өршөөл үзүүлэх тухай хуулийн дагуу энэ оны долдугаар сарын 2-ны өдрөөс өмнө зөрчил гаргаж, эрхээ хасуулсан жолооч нар эрхээ сэргээлгэх боломжтой болсон. Энэ талаар ЦЕГ-ын харьяа Лицензийн төвийн төвийн дэд дарга П.Эрдэнэбатаас цөөн асуултад хариулт авлаа

-Өршөөлийн хуультай хол­боотойгоор эрхээ хасуул­сан жолооч нарын эрхийг сэргээх  ажил  хэр очертой байна. Иргэд өглөө эрт 07.00 цагаас эхлэн очер­лож байгаа гэх юм?

-Өршөөл үзүүлэх хуульд заасны дагуу, хууль үйлчлэх хугацаанд хамаарагдах жо­лооч нарт үйлчилж байна.

Тодруулбал, 2015  оны долдугаар сарын 02-ны өдрийн 24.00 цагаас өмнө эрхээ ха­суулсан иргэд өршөөлд хам­рагдаж байгаа. Иргэдийн дарааллыг олсоор хязгаарлаж, манай алба хаагчид хяналт тавьж ажиллаж байна. Уг нь нэг дор ингэж их ачаалал үүсгэх шаардлага байхгүй.

Учир нь цаг хугацаа заагаагүй. Иргэдэд хандаж хэлэхэд цаг заваа үрэн байж, энд  ирж бухимдахгүйгээр өөрийнхөө завтай үед ирж, үйлчлүүлэх боломж  бүрэн нээлттэй гэд­гийг хэлмээр байна. 

-Лицензийн төв утасгасан цагаар ажиллаж байгаа гэ­сэн. Хэдээс хэдэн цагийн хоо­ронд эрх сэргээх ажил­ла­гааг явуулж байгаа вэ?

-Манайх өглөө 08.00 ца­гаас орой 19.00 цаг хүртэл уртас­гасан цагаар ажиллаж бай­на. 19.00 цагаас хойш өдөр нь хандсан иргэдийнхээ мате­риа­луудтай танилцаж, эрх сэргээх ажиллагааг үдшийн 23.00 цаг хүртэл явуулж байгаа. Манай төвийн 40 хүн бүрэн бүрэл­дэхүүнээрээ ажиллаж байна.

-Жолооч нар заавал Ли­цензийн тө­вөөр дамжуулж эрхээ сэргээлгэх ёс­той юм уу. Хөдөө орон нутгийн ир­гэд хаана хандаж эрхээ сэргээлгэх үү?

-Хэрвээ тухайн иргэн нийс­лэлд харьяа­лалтай бол заавал ЦЕГ-ын харьяа Ли­цензийн төвд хандаж эрхээ сэргээлгэнэ. Ха­рин орон нутгийн харьяа­лалтай бол орон нутгийн цаг­даагийн байгууллага нь эрх сэргээх  асуудлыг  авч шийд­вэрлэж байгаа.

-Жолоодох эрхийн үнэм­лэхийг хэдий хугацааны дараа олгож байгаа вэ?

-Эрхээ сэргээлгэхээр хандаж байгаа ир­гэ­дийн  эрхийг  сэр­гээгээд, түр зөвшөө­рөл олгож байгаа. Энэ нь үнэмлэхээ хэв­­­лэг­дэх хүртэлх хугацаанд тээврийн хэрэгс­лээ жолоодож болох бичиг баримт олгож байна гэсэн үг.

Хэрвээ тухайн жолооч түр үнэм­лэхгүйгээр тээврийн хэрэгсэл жо­лоодох юм бол мөрдөгдөж байгаа шинэ хуулиараа торгуулийн арга хэмжээ авна гэдгийг анхаарах нь зүйтэй. 

-Эрхээ  сэргээлгэх жолооч ямар  би­чиг  баримт бүр­дүүлж ирэх ёстой вэ?

-2014 оны аравдугаар сарын 01-нээс өмнө ха­суул­сан бол иргэний үнэмлэхтэйгээ ирээд эрхээ сэргээлгээд үнэмлэхээ авч бол­но. Харин 2014 оны аравдугаар сарын 1-нээс хойш эрхээ хасуулсан бол иргэний үнэм­­­лэх, жолооны үнэм­лэх­ний 12,500 төг­рөг банкинд  ту­шаасан  баримттайгаа ирээд эр­хээ сэргээлгээд, үнэмлэхээ захиалж байна.

-Эрхээ хасуулсан жолооч на­рын ихэнх нь согтууруулах ундааны зүйл хэрэглэсэн үедээ жолоо барьж яваад эрхээ хасуулсан гэсэн. Яг тодор­хой тоон мэдээлэл байна уу?

-Захиргааны зөрчлийн ул­маас тээврийн хэрэгсэл жо­лоодох  эрхээ  хасуулсан жо­лооч улсын хэмжээнд 80,201 байна. Үүнээс согтуугаар тээв­рийн хэрэгсэл жолоодож бай­гаад эрхээ хасуулсан 79,167 жолооч байгаа юм.

Шинээр мөрдөгдөж байгаа Замын хө­дөл­гөөний аюулгүй байдлын тухай хуульд заас­­ны дагуу хариуцлага хүлээнэ. 

Өршөөл үзүүлэх тухай хуулиар л өр­шөөл үзүүлж байгаа учраас сог­туу­руулах ундаа хэрэглэсэн үедээ машин жолоодсон бай­сан ч хамаагүй эрхийг нь сэр­гээхээс өөр аргагүй байхгүй. 

-Өршөөлд хам­раг­даж эрхээ  сэргээл­гэ­чихээд да­хин сог­туугаар тээв­­рийн хэ­рэг­­сэл жолоод­вол ямар ха­риуц­лага оноо­х бол? 

-Шинээр мөрдөгдөж байгаа Замын хө­дөл­гөөний аюулгүй байдлын тухай хуульд заас­­ны дагуу хариуцлага хүлээнэ.

Тод­­руулбал хуулийн 27.1-т “Сог­тууруулах ундаа, мансуу­руулах эм, сэтгэцэд нөлөөт бо­­дис хэрэглэсэн үедээ тээв­рийн хэрэгсэл жолоодсон, эсхүл согтууруулах ундаа, мансуу­­­руулах эм, сэтгэцэд нө­лөөт бодис хэрэг­лэсэн эсэхийг зохих журмын дагуу шал­­­гуулахаас зайлсхийсэн эт­гээд тээв­рийн хэрэгсэл жо­лоод­сон бол нэг сарын хөдөл­мө­рийн хөлсний доод хэмжээг хоёр дахин нэмэгдүүлсэнтэй тэнцэх хэмжээний төг­рөгөөр торгож, жолоодох эрхийг зур­гаан сараас хоёр жил хүртэл хуга­цаагаар хасах шийтгэл оногдуулна” гэж заасан. Мөн 27.4-т “Энэ хуулийн 27.1-д заа­сан зөрчлийг давтан үйлдсэн бол 30 хоногийн  хугацаагаар  баривчлах, тээврийн хэ­рэг­сэл жолоодох эрхийг гурван жи­лийн хуга­цаагаар хасах шийт­гэл оногдуулна” гэж байгаа.