Дэлхий дээр хэдэн ширхэг мод ургадаг вэ?

Манай дэлхий дээр гурван их наяд мод ургадаг. Гэхдээ хүний соёл иргэншил эхэлснээс хойш нийт модны хэмжээ бараг 50 хувь хорогдоод байна.

Модны тоо толгойг гаргасан хамгийн нарийвчлал сайтай судалгааг хэсэг эрдэмтэд танилцуулжээ. Ингэхдээ тэд хиймэл дагуулаас авсан зураглал, мод үржүүлгийн тоо баримтууд, супер компьютерын тооцоолол ашиглаж гаргасан байна. Үүний үр дүнд манай гариг дээр 3.04 тэрбум мод байгаа нь дэлхийн нэг хүнд 422 мод ноогдохоор байгааг гаргажээ.

Эрдэмтэд мөн түүхийн туршид ой модоор хүрээлэгдсэн байсан газар нутгийн баримтуудыг ашиглан хэр их модыг алдаад байгааг гаргаж чадсан байна. Энэ судалгаагаар хүн төрөлхтний соёл иргэншил эхэлснээс хойш манай гаригийн моддын тоо 46 хувиар буурсныг тодорхойлжээ.

Хамгийн их модны нягтралтай хэсгээр хойд туйлын бүс буюу Орос, Скандинав, Хойд Америкийн нутгууд тодорсон байна.

Харин хамгийн том талбай эзэлсэн хэсгээр халуун орны буюу тропикийн бүс тодорчээ. Тэнд дэлхийн нийт моддын 43 хувь ургадаг байна.

Ой модны хорогдох гол шалтгаан нь хүний үйл ажиллагаа. Үүнээс болж дэлхий даяар жилд 15 тэрбум мод устгагдаж байна.

Үүний үр дагавар бол цаг уурын өөрчлөлт, хүмүүсийн эрүүл мэндийн өөрчлөлт юм гэж эрдэмтэд үзэж байна.

Судалгааны бүрэн тайлан есдүгээр сарын 2-ны өдөр Nature сэтгүүл нийтлэгджээ.

Тоо баримтыг танилцуулсан видео дүрслэл:

Эх сурвалж: LiveScience