Шагайн харвааны шөвгийн найман баг өнөөдөр тодорно
Үндэсний их баяр наадмын шагайн харвааны өнөөдрийн тоглолт өглөө 8:00 цагт Төв цэнгэлдэх хүрээлэнд эхэлсэн.
Одоогийн байдлаар 30 баг дөрвөн зоонд хуваагдан тоглож байна. 30 багаас өнөөдөр шөвгийн найман баг шалгарч үлдэх юм. Шөвөгт үлдсэн найман баг өнөөдөр хоёр тоглолт, маргааш гурван тоглолт хийн өндөрлөх юм.
Энэ жилийн наадамд 50 багийн 452 харваач, Өмнөговь, Дундговь, Төв, Сэлэнгэ, Баянхонгор, Архангай, Говьсүмбэр, Хэнтий, Өвөрхангай, Дархан-Уул, Орхон аймаг, Улаанбаатар хотын багууд оролцож байгаа юм.
Монгол Улсын үлэмж дархан мэргэн 42, Монгол Улсын дархан мэргэн 24, Монгол Улын гарамгай мэргэн 33, Монгол Улсын мэргэн 28, Монгол Улсын дэд мэргэн 47, харьшгүй мэргэн 12, Аймгийн гоц мэргэн 78 оролцож байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
