Технологийн бас нэг том дэвшил: USB 3.1 Type C
Сая болж өнгөрсөн CES үзэсгэлэн дээр үзүүлсэн нэг чухал технологи нь USB 3.1 порт байлаа.
Одоогоор ийм порттой төхөөрөмжүүд гараагүй байгаа бол CES дээр анхны ийм порттой төхөөрөмжийг үзүүлсэн байна.
Бидний сайн мэдэх USB холболтын порт нь 3.1 буюу Type C хувилбар дээрээ томоохон өөрчлөлт хийж байгаа юм.
Шинэ дэвшлүүдийг нь дурдвал:
- Аль ч талаар нь залгаж болдог. Одоо бол бид зөв бурууг нь олох гэж багагүй будилдаг билээ.
- Хурдны хувьд Generation 1 нь 5Gbps хурдтай, Generation 2 нь 10Gbps хүрнэ.
- “USB alternative” горимоор зөвхөн USB сигнал бус мөн дэлгэцний видео сигнал дамжуулах чадвартай. Хамгийн дээд чадал нь 5K хэмжээтэй дэлгэцийг сигналаар хангаж чадна.
- Өндөр чадалтай тэжээл дамжуулах чадвартай. Дээд тал нь 100 ваттын тэжээл өгөх боломжтой тул зарим зөөврийн компьютерыг ч тэжээж чадах юм.
Apple компани энэ оны эхээр гаргах MacBook Air-ын шинэ хувилбараа зөвхөн чихэвчний оролт ба USB 3.1 порттой хийнэ гэсэн яриа түгээмэл байгаа юм.
Хэрвээ тэгвэл өөр ямар ч порт хэрэглэхгүй, зөвхөн USB 3.1 портоор бүх төрлийн холболтууд, тэжээлээ хүртэл авахаар болж байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
