ҮЙЛ ЯВДАЛ: Д.Нацагдоржийн хөшөөнд цэцэг өргөнө

Стандартчилал хэмжил зүйн газрын хурлын танхимд

 09:00-11:00 цагт: Хэмжил зүйн зөвлөлийн хуралдаан болно. Энэхүү хуралдаанаар:

Нэг. Хэмжих хэрэгслийн болон стандартчилсан загварын туршилт-Нийт 10 асуудал

Хоёр. Хэмжил зүйн ажил, үйлчилгээний тусгай зөвшөөрөл-Нийт 9 асуудал хэлэлцэхээр төлөвлөж байна.

“Оцелло сэргэлт” Өрхийн эрүүл мэндийн төвд

10.00 цагт: Монгол Улсын хэмжээнд хийгдэж буй сүрьеэгийн тархалтын судалгааны нээлт болно. Нээлтийн үйл ажиллагаанд НЭМГ, БЗД-ийн ЗДТГ, ЭМН, ХӨСҮТ, МСТН, МСТНХ, БЗД-ийн харъяа хороо, ӨЭМТ-үүд оролцох юм.

Багшийн хөгжлийн ордонд 

10.00 цагт: Гадаад хэлний багшаар 5-6 жил ажилласан Нийслэлийн багш нарын сургалт эхлэнэ. Тус сургалтанд нийт 70 гаруй багш нар хамрагдаж байна.

Д.Нацагдоржийн хөшөөнд 

10.00 цагт: Нийслэлийн хүүхэд, гэр бүлийн хөгжлийн газар нь Монгол Улсад Хүүхдийн байгууллага хөдөлгөөн үүсч хөгжсөний 89 жилийн ойгоор уг хөдөлгөөнийг үндэслэгч их зохиолч, Д.Нацагдоржийн хөшөөнд цэцэг өргөх, хүүхдийн байгууллагад ажиллаж байсан үе үеийн ахмад ажилтнуудыг алдаршуулан, тэдэнд хүндэтгэл үзүүлэх үйл ажиллагаа болно. 

МҮОНРТ-ИЙН ОЛОН НИЙТИЙН МЭДЭЭЛЛИЙН ТӨВ

14.00 цагт: Монгол Улсын Урлагийн Гавьяат Зүтгэлтэн, хөгжмийн зохиолч С. Баатарсүхийн “Цэнхэр залаа” хөгжмийн бүтээл төрөөд 45 жилийн ойтой золгож байна. Монгол хүн бүрийн сэтгэлд хоногшсон “Цэнхэр залаа” аялгуу МҮОНРТ-ийн хөгжмийн урын санд 45 жилийн туршид тэргүүлэх байрыг эзэлснийг онцлон УГЗ, хөгжмийн зохиолч С. Баатарсүхэд хүндэтгэл үзүүлнэ. Тус арга хэмжээг МҮОНРТ зохион байгуулна.

ТОСК-ын байранд

15:00 цагт: ТОСК-аас төрийн албан хаагчид болон залуу гэр бүл, хөгжлийн бэрхшээлтэй иргэд, ахмадуудад зориулан “Буянт-Ухаа1” хорооллын орон сууцыг ашиглалтад оруулсантай холбогдуулан орон сууц авах хүсэлтэй иргэдийг сонгон шалгаруулах сугалааны журмын талаар мэдээлэл хийнэ.