• 12 сарын 20, Баасан
|
Уншиж байна ...
Зураг
Зураг

"1,072 хувьцааны ногдол ашиг болох 350 мянган төгрөгийг ирэх онд гурав хувааж олгоно" гэв

Н.Эрхбаяр, iKon.mn
6 цаг 8 минутын өмнө
iKon.MN
Зураг зураг

Засгийн газрын ээлжит бус хуралдаанаар Төрийн өмчит компаниудын хуулийн төслийг УИХ-д өргөн барих болон 1,072 хувьцааны ногдол ашиг тараах тухай шийдвэр гаргажээ. Энэ талаар Ерөнхий сайд Л.Оюун-Эрдэнэ өнөөдөр Төрийн ордонд мэдээлэл хийлээ.

Тэрбээр "Төрийн өмчит компаниудын балансыг үзээд ашигтай ажиллаж байгааг нь Эрдэнэс Монголын харьяанд авч үлдэнэ. Гурван жил дараалан ашиггүй ажиллаж байгаа компаниудыг нэгтгэх, статусыг өөрчлөхөөр ярилцсан. Статусыг 3-4 хэлбэрт өөрчилнө. 

Алдагдалтай ажилладаг байсан "Эрдэнэс Тавантолгой" компани 2024 онд 4.3 их наяд төгрөгийн ашигтай ажилласан. Энэ компанийн хувьцаа эзэмшигч иргэн бүр 350 мянга төгрөгийн ногдол ашиг авах боломж бүрдсэн байна. Энэ нь ирэх жилээс илүү нэмэгдэнэ. Сүүлийн гурван жил дараалан ногдол ашиг хүртлээ.

"Эрдэнэс Тавантолгой" компанийн ногдол ашгийг Эрдэнэс Монгол нэгдэл зохицуулалт хийж байгаа. Тиймээс ногдол ашгийг хүйтний улиралд олгож байх нь чухал гэж үзсэн. Урьд нь 100 мянган төгрөг өгдөг байсан нь инфляцад нөлөөлдөггүй байсан. 

Харин одоо иргэн бүрд 300 мянган төгрөгөөр өгвөл инфляц өдөөх том эрсдэл болж байгаа учраас гурав хувааж олгох нь зүйтэй гэж үзсэн. Хуримтлалын санд хуримлагдаж байгаа хуримтлалтай ижил дүнгээр буюу 135 мянган төгрөгөөр ногдол ашиг олгогдох нь зүйтэй. 

2025 оны 1, 2 дугаар сард ногдол ашиг олгогдоод явна. "Эрдэнэс Тавантолгой" компанийн ногдол ашгийг өөр зүйлд заруулахгүй" хэмээн ярилаа.

ШУУД ҮЗЭХ:

https://www.facebook.com/iKonNews/videos/1961669767658616?st=15BWNfct0eT