Хий ашиглаж орон байрны халаалтаа шийдвэрлэх, хоол хүнсээ бэлтгэхийг уриалав

Гэрэл зургийг MPA агентлагийн онцгой зөвшөөрөлтэйгөөр ашиглав

Монголын хэрэглэгчдийн эрх ашгийг хамгаалах нийгэмлэгүүдийн үндэсний холбоо, Монголын хийн түлшний холбоо хамтран “Улаанбаатарын утааг шийдэх арга, зам, шийдэл” сэдвээр өнөөдөр мэдээлэл хийлээ.  

Тус холбоодоос нийслэлчүүд болон Улсын их хуралд дараах уриалгуудыг дэвшүүлэв. 

Нийслэлчүүдэд

1. Хий /газ/ болон цахилгааны эх үүсвэр ашиглаж орон байрны халаалтаа шийдвэрлэх, хоол хүнсээ бэлтгэх
2. Ердийн галлагаа бүхий зуух янданг хязгаарлаж энэ талаар төрийн, орон нутгийн болон холбогдох байгууллагуудад мэдэгдэж, газын халаалтын төхөөрөмж, шинэ газаар хангуулах цахилгаан халаалтыг хэрэглэхэд дэмжлэг үзүүлэх сурталчлах энэ чиглэлийн ТББ болон төрийн байгууллага албан тушаалтантай шууд харилцах төрийн хүнд сурталтай тэмцэхийг уриалж байна. 

Улсын их хуралд 

1. 2025 оны УИХ-ын эхний чуулганаар айл өрх, гэр хороолол, амины орон сууцыг хийн болон цахилгааны халаалтаар шийдэх арга хэмжээг авч хэрэгжүүлэх,
2. Хөрөнгийн асуудлыг шийдэх, халаалтын зориулалтаар ашигласан цахилгаан, хийн үнийн төлбөрийг хямдруулж, чөлөөлөх
3. Энэ чиглэлээр аж ахуй нэгж байгууллага хувь хүмүүсийн импортоор оруулж ирж буй бүтээгдэхүүн болон тоног төхөөрөмжийг гааль онцгой татвараас чөлөөлөх
4. УИХ-ын гишүүд 2024-2025 оны шилжилтийн долоо хоногт хотын хорт утаа агаарын бохирдлын байдалтай газар дээр нь танилцаж амьжиргааны хүнд нөхцөлд амьдарч байгаа айл өрхөөр биечлэн орж амьдралтай нь танилцаж цахилгаан халаалтын үнийг хөнгөлөлттэйгөөр олгох амьдралын хүнд асуудлыг шийдвэрлэх, судлах ажлыг биечлэн явж танилцан улмаар УИХ-ын чуулганаар хэлэлцэн шийдвэрлэх иргэдийн сонсгол мэдээллийг зохион байгуулахыг уриалж байна.