Гурван жилийн хугацаанд гадаадын 127 мянга гаруй иргэн Монгол Улсын цахим виз авчээ
Манай улс evisa.mn cистемээр гадаадын иргэдэд жуулчин /K2/, соёл урлаг, спортын тэмцээн уралдаанд оролцогч /K4/, дамжин өнгөрөх /K6/ зэрэг дөрвөн ангиллын цахим виз олгодог.
ГИХГ-аас мэдээлснээр 2021 оноос хойш нийт 127,936 гадаадын иргэнд цахим виз олгож, цахимаар виз мэдүүлэх гадаадын иргэдийн тоо жилээс жилд нэмэгджээ.
Тодруулбал 2023 онд 99 орны иргэдэд 31,242 цахим виз, энэ оны эхний 11 сарын байдлаар 88,794 цахим виз олгосон нь өмнөх оноос 2.8 дахин өссөн үзүүлэлттэй байна.
Харин энэ сарын 5-ны өдрийн байдлаар 132 улсын 32,543 гадаадын иргэн албан болон хувийн хэргээр оршин суух бүртгэлтэй байна. Эдгээр иргэдийг улсаар нь авч үзвэл АНУ-ын 1,511, БНСУ-ын 1,776, БНХАУ-ын 17,849, ОХУ-ын 4,424 иргэн, бусад улсын 6,983 иргэн байгаа аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
