БАХА төрлийн офф-роад уралдаан анх удаа болно

Энэхүү уралдаан нь замын хувьд шулуун ихтэй, боловч уулаар давах хэсэгт мод чулуутай замаар гарах учраас бартаа саад ихтэй байх бөгөөд раллигаас ялгаатай тал нь нэг өдрийн уралдаан юм.

Уралдаан тусгай тоноглогдсон

• Жийп автомашин
• Энгийн Жийп автомашин
• Суудлын автомашин
• Уаз автомашин
• 350 сс дээш хөдөлгүүрийн багтаамжтай мотоцикл
• 350 сс хүртэлх хөдөлгүүрийн багтаамжтай мотоцикл
• 4 дугуйт мотоцикл гэсэн долоон ангиллаар зохион байгуулагдана

 

Энэхүү уралдааны ерөнхий зохион байгуулагчаар Монголын авто мастеруудын холбоо ажиллаж байгаа бөгөөд NAKATA MOTORS, BAJA Offroad дэлгүүр, Шилмэл шил ХХК болон  Сейфтрек ХХК, BIZOL oil компаниуд ивээн тэтгэгчээр ажиллаж байна.
Уралдаан 4 сарын 12-ны өдөр хотоос баруун тийш 22 товчооноос 30 км зайд Налгар жуулчны амралтын газрын замын хойно болно.

Та тэмцээнд оролцохыг хүсвэл техникийн зөвлөгөөн, бүртгэл, тэмцээний хураамж, техникийн үзлэгийн талаарх хурал 2014 оны 4 сарын 10-ны 15:00 цагт Хишиг Арвин Индустриал ХХК-ны хурлын зааланд болно.

Техникийн зөвлөгөөний үеэр бүртгэл болон тэмцээний хураамжийг хүлээн авна.

• Бүртгэлийн хураамж : Тамирчин тус бүр 100'000 төг байна,
• Лиценз: Тамирчин тус бүр 50'000 төг байна. 2014 оны туршид МАМХолбооноос зохиогдох тэмцээнүүдэд оролцох эрх /BAJA MONGOLIA, Мастер Ралли, Мастер Эндуро, МастерКросс/

Жич : Техникийн зөвлөгөөний үеэр ангилал тус бүрийн сугалаа явагдаж номер олгогдоно.

Нийт уралдааны замыг 3 гарааны туршид хамгийн бага цагт туулсан баг тамирчдыг ангилал тус бүрт шалгаруулан байр эзлүүлнэ.

• Нэгдүгээр байр - 1 Цом, Алтан медаль, мөнгөн шагнал, спонсорын бэлэг
• Хоёрдугаар байр - 1 Цом, Мөнгөн медаль, мөнгөн шагнал, спонсорын бэлэг
• Гуравдугаар байр - 1 Цом, Хүрэл медаль, мөнгөн шагнал, спонсорын бэлэг