• 12 сарын 14, Ням
|
Уншиж байна ...
ХУУЧИРСАН МЭДЭЭ: 2025/08/01-НД НИЙТЛЭГДСЭН

BLAST Asia Risings Ulaanbaatar 2025 тэмцээнд Монголын 3, Хятадын 1, Австралийн 3, Индонезийн 1 баг оролцож байна

Н.Эрхбаяр, iKon.mn
2025 оны 8 сарын 1
iKon.MN
Зураг зураг

Цахим спортын "Counter Strike 2" тоглоомын гуравдугаар зэрэглэлийн BLAST Asia Risings Ulaanbaatar 2025 тэмцээн Улаанбаатар хотноо өнөөдөр эхэлж байна. 

Энэхүү тэмцээнд нийт найман баг нугалааны зарчмаар өрсөлдөж байгаа бөгөөд түрүүлсэн баг нь 70,000 ам.долларын шагналын сантай BLAST Open Fall 2025 тэмцээний урьдчилсан шатанд тоглох эрх авна. 

Энэ Ням гарагт аваргаа тодруулах тус тэмцээнд манай улсаас Chinggis Warriors, The Huns Esports, Eruption, Хятад улсаас FengDa Gaming, Австрали улсаас FlyQuest, SemperFi Esports, Ground Zero, Индонез улсаас Alter Ego гэсэн багууд Азийн чансааны оноогоороо уригдан оролцож байна. Хятад улсаас Азийн томоохон багуудын нэг болох Lynn Vision оролцох ёстой байсан боловч багийн тоглогч нь бэртсэний улмаас оролцож амжсангүй.

Одоогоор манай улсын The Huns Esports баг Хятадын FengDa Gaming багтай "Во3" (гурван "map"-аар ялагчийг тодруулах) журмаар тоглож байна. Хожсон нь шөвгийн дөрөвт шалгарах бол хожигдсон нь тэмцээнээ өндөрлүүлнэ. Энэ тоглолтын дараа Австралийн SemperFi Esports баг манай улсын Eruption багийн эсрэг хүч үзэхээр хуваарь гарчээ. 

Аваргын төлөөх тоглолт энэ долоо хоногийн Ням гарагийн 17:00 цагт MBank Arena-д "Во3" журмаар зохион байгуулагдана.

зураг