Домогт тамирчин М.Шумахер эмнэлэгт 20 кг туржээ
“Формула-1” уралдааны долоон удаагийн аварга Михаэль Шумахер уулын цанаар гулгаж байгаад тархиндаа хүнд бэртэл авснаасаа хойш эмнэлэгт ухаангүй 83 өдөр байхдаа 20 кг-аар турж, одоо 55 кг жинтэй болоод байгаа гэнэ.
Удаан хугацаанд хөдөлгөөнгүй хэвтсэний улмаас 45 настай түүний булчингууд агшин багасч эхэлсэн аж.
Хоёр ч удаа хүнд хагалгаа хийлгээд буй тэрээр ойр хавьд нь юу болж буйг мэдэрдэг ч үүнийгээ ямар нэг байдлаар илэрхийлж чадахгүй байгаа бололтой.
Түүнийг эхнэр, хүүхдүүд нь ээлжлэн сахисаар байгаа юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
