"Боолчлолд өнгөрүүлсэн 12 жил" ШИЛДЭГ КИНО боллоо

Оскар тойм

86 дахь удаагийн Оскарын шагнал гардуулах ёслол амжилттай өндөрлөлөө.

Энэ удаагийн шагнал гардуулах ёслолын шилдэг киногоор "Боолчлолд өнгөрүүлсэн 12 жил" кино шалгарав. Ингэснээр тус кино Оскараас гурван шагнал авсан юм.  Шилдэг туслах дүрийн эмэгтэй жүжигчнээр Лупита Ньонго "Боолчлолд өнгөрүүлсэн 12 жил" кинонд бүтээсэн дүрээрээ авсан нь олон хүний таамаглалыг баталлаа. 

Мөн энэ Оскараас онцлох үйл явдлын нэг нь "Татах хүч" киноны шагналууд байв. Тус кино долоон Оскарын эзэн боллоо. Ердөө хоёр жүжигчин тоглосон гэх энэ кино Шилдэг кино найруулагч, Шилдэг хөгжим , Шилдэг дүрс эвлүүлэгч, Шилдэг зураглаач, Шилдэг дууны эвлүүлэг, Шилдэг дууны найруулга, Шилдэг тусгай эффект зэрэг төрөлд Оскарын эзэн болж байна. 

Шилдэг эрэгтэй гол дүрийн жүжигчинд нэр дэвшсэн жүжигчдээс Леонардо Ди Каприог “Wall Street-ийн чоно” хэмээх кинонд бүтээсэн дүрээрээ авах болов уу хэмээн кино сонирхогчид их хүлээлттэй байлаа. Түүнийг Оскарын эзэн болно хэмээн олон ч онлайн санал асуулгын дүн гараад байсан юм. Харин эцсийн мөчид тэр мөн л Оскарыг атгаж чадсангүй. Мэттью МакКонахи  “Даллас худалдан авагчдын клуб” кинонд бүтээсэн дүрээрээ шилдэг эрэгтэй гол дүрийн жүжигчин болж олон таамаглалыг няцаалаа. 

Харин шилдэг эмэгтэй гол дүрийн жүжигчнийг олон Оскарын эзэн болоод байсан "Татах хүч" киноны баатар Сандра Баллок авах байх хэмээн олон нийтийн сүлжээгээр шуугиад байсан ч үзэсгэлэнт Кейт Бланшетт  "Цэнхэр Жасмин" киноны дүрээрээ Оскарын эзэн болж байна. 

ОСКАРЫН ЭЗЭД:

• Шилдэг эрэгтэй туслах дүр - Жаред Лето "Даллас худалдан авагчдын клуб"
• Шилдэг хувцас зохион бүтээгч - "The Great Gatsby" 
• Шилдэг нүүр будалт -  "Даллас худалдан авагчдын клуб"
• Шилдэг богино хэмжээний Animation -"MR HUBLOT" 
• Шилдэг бүрэн хэмжээний Animation - "FROZEN"
• Шилдэг тусгай эффект - "Татах хүч" 
• Шилдэг богино хэмжээний кино -  "HELIUM" 
• Шилдэг богино хэмжээний баримтат кино - "Хөгжим миний амьдралыг аварсан" 
• Шилдэг бүрэн хэмжээний баримтат кино -  "Од болохоос 20 футын зайд ..." 
• Гадаад хэл дээрх шилдэг кино - Италийн "Агуу гоо үзэсгэлэн" 
• Шилдэг дууны найруулга - "Татах хүч"
• Шилдэг дууны эвлүүлэг -  "Татах хүч"
• Шилдэг туслах эмэгтэй жүжигчин - Лупита Ньонго "Боолчлолд өнгөрүүлсэн 12 жил"
• Шилдэг зураглаач - "Татах хүч" 
• Шилдэг дүрс эвлүүлэгч - "Татах хүч" 
• Шилдэг продакшн дизайн -  "The Great Gatsby"
• Шилдэг хөгжим - "Татах хүч" 
• Шилдэг киноны дуу - "Frozen"
• Шилдэг кино зохиол болгосон - “Боолчлолд өнгөрүүлсэн 12 жил”
• Шилдэг зохиол - “Тэр эмэгтэй”
• Шилдэг кино найруулагч - Альфонсо Куарон
• Шилдэг эмэгтэй гол дүрийн жүжигчин - Кейт Бланшетт "Цэнхэр Жасмин"
• Шилдэг эрэгтэй гол дүрийн жүжигчин - Мэттью МакКонахи  “Даллас худалдан авагчдын клуб”
• ШИЛДЭГ КИНО - “Боолчлолд өнгөрүүлсэн 12 жил”

Оскарын наадмын хамгийн онцгой, чухал шагналын төрөл болох Шилдэг кино шагналд:

• “Америкийн луйвар”
• “Ахмад Филлипс” 
• “Даллас худалдан авагчдын клуб” 
• “Татах хүч” 
• “Тэр эмэгтэй” 
• “Небраска” 
• “Филомена” 
• “Боолчлолд өнгөрүүлсэн 12 жил” 
• “Wall Street-ийн чоно” зэрэг есөн кино нэр дэвшлээ. 

Шагналын эзнээр “Боолчлолд өнгөрүүлсэн 12 жил” кино шалгарч 86 дахь удаагийн Оскарын ШИЛДЭГ КИНО болов. 

“Боолчлолд өнгөрүүлсэн 12 жил” шилдэг кино боллоо

Шилдэг эрэгтэй гол дүрийн жүжигчнийг хэн болох вэ гэсэн таамаглал өрнөсөөр эцсийн мөчид Мэттью МакКонахи шалгарлаа. 

Шилдэг эрэгтэй гол дүрийн жүжигчинд:

• Кристиан Бэйл “Америкийн луйвар” 
• Брюс Дерн “Небраска” 
• Леонардо Ди Каприо “Wall Street-ийн чоно” 
• Чиветел Эжиофор “Боолчлолд өнгөрүүлсэн 12 жил” 
• Мэттью МакКонахи  “Даллас худалдан авагчдын клуб” нар нэр дэвшээд байсан юм. 

Мэттью МакКонахи “Даллас худалдан авагчдын клуб”

Мэттью МакКонахи болон Камилла Алвес нар, ОСКАР -2014, Улаан хивсний ёслол

 

Шилдэг эмэгтэй гол дүрийн жүжигчинд:

• Эми Адамс  “Америкийн луйвар” 
• Кейт Бланшетт  "Цэнхэр Жасмин"
• Сандра Баллок  “Татах хүч” 
• Жуди Денч “Филомена” 
• Мерил Стрип  "Наймдугаар сар: Osage County" нар нэр дэвшээд байснаас ШИЛДЭГ ЭМЭГТЭЙ гол дүрийн жүжигчнээр Кейт Бланшетт  "Цэнхэр Жасмин" кинонд бүтээсэн дүрээрээ Оскарын эзэн боллоо. 

Кейт Бланшетт

Шилдэг кино найруулагчид:

• “Америкийн луйвар” Дэвид О. Расселл
• “Татах хүч” Альфонсо Куарон
• “Небраска” Александр Пэйн 
• “Боолчлолд өнгөрүүлсэн 12 жил” Стив Маккуин
• “Wall Street-ийн чоно” Мартин Скорсезе нар нэр дэвшээд байлаа.

Эдгээрээс шилдгээр Альфонсо Куарон шалгарч "ТАТАХ ХҮЧ" кино долоо дахь Оскарын эзэн боллоо.

Шилдэг зохиол төрөлд  “Тэр эмэгтэй” кино шалгарлаа. Энэхүү зохиолыг Спайк Жонз бичжээ. 

"Тэр эмэгтэй"

Шилдэг кино зохиол болгосон төрөлд  “Боолчлолд өнгөрүүлсэн 12 жил” кино шалгарлаа. Тус киноны туслах дүрд тоглосон Лупита Ньонго мөн өнөөдөр Оскарын эзэн болоод байгаа билээ. 

“Боолчлолд өнгөрүүлсэн 12 жил”

Шилдэг киноны дуу төрөлд энэ өдөр Оскарын тайзнаа эгшиглэсэн "FROZEN" киноны "LET IT GO" дуу шилдгээр шалгарлаа. 

FROZEN киноны "Let it go" дуу 

Шилдэг хөгжим төрөлд "Татах хүч" кино Оскарын эзэн болж энэ уран бүтээл зургаан Оскар гардан аваад байна. 

Хөтлөгч Эллений хийсэн Selfie зураг бүх цаг үеийн хамгийн их Retweet хийгдсэн зургаар шалгарлаа. Хэдхэн минутын өмнө энэ алдрыг Барак Обамагийн эхнэртэйгээ тэврэлдсэн зураг эзэмшиж байсан юм.

Шилдэг продакшн дизайн төрөлд "The Great Gatsby" кино авлаа. Ингэснээр тус кино хоёр дахь Оскарын шагналаа авч байна. 

"The Great Gatsby"

Оскарын шагналын ёслолын үеэр жүжигчид пицца захиалж идсэн нь өнөөдрийн ёслолын нэгэн сонирхолтой үйл явдал байлаа. 

ОСКАР -2014

Шилдэг дүрс эвлүүлэгч шагналын төрөлд "Татах хүч" кино шалгарч ТАВ дахь Оскарын шагналаа авлаа.

Шилдэг зураглаачийн шагналын төрөлд "Татах хүч" кино авлаа. Ингэснээр "Татах хүч" кино дөрвөн Оскарын шагнал аваад байна. 

GRAVITY

Шилдэг туслах дүрийн эмэгтэй жүжигчинд:

• Салли Хокинс "Цэнхэр Жасмин"
• Женнифер Лоуренс "Америкийн луйвар"
• Лупита Ньонго "Боолчлолд өнгөрүүлсэн 12 жил"
• Жулия Робертс "Наймдугаар сар: Osage County"
• Жүнь Скюбб "Небраска" нар нэр дэвшээд байснаас Лупита Ньонго "Боолчлолд өнгөрүүлсэн 12 жил" кинонд бүтээсэн дүрээрээ 86 дахь удаагийн Оскарын эзэн боллоо. 

Лупита Ньонго, ОСКАР -2014, Улаан хивсний ёслол

Шилдэг дууны эвлүүлэг төрөлд "Татах хүч" кино Оскарын эзэн боллоо. 

Шилдэг дууны найруулга төрөлд "Татах хүч" кино авлаа. 

Gravity

Оскарын ёслолын үйл ажиллагааны үеэрх зүггүйтэл ... 

 Гадаад хэл дээрх шилдэг киноны төрөлд Италийн "Агуу гоо үзэсгэлэн" шалгарч 86 дахь удаагийн Оскарын эзэн боллоо. 

The great beauty

Шилдэг бүрэн хэмжээний баримтат киноны төрөлд  "Од болохоос 20 футын зайд ..." кино Оскарын эзэн боллоо. 

"Од болохоос 20 футын зайд ..."

Шилдэг богино хэмжээний баримтат кино төрөлд  "Хөгжим миний амьдралыг аварсан" кино Оскарын эзэн боллоо. 

"Хөгжим миний амьдралыг аварсан"

Шилдэг богино хэмжээний киноны эзнээр  "HELIUM" 86 дахь удаагийн Оскарын эзэн болов. 

"HELIUM"

Шилдэг тусгай эффект төрлийн шагналыг "Татах хүч" буюу "GRAVITY" кино Оскарын эзэн боллоо.

"GRAVITY"

Шилдэг бүрэн хэмжээний Animation киноны төрөлд "FROZEN" шалгарлаа. 

"FROZEN"

Шилдэг богино хэмжээний Animation киноны төрөлд "MR HUBLOT" кино шалгарлаа. 

"MR HUBLOT"

Шилдэг хувцас зохион бүтээгч, Шилдэг нүүр будалт зэрэг шагналын эздүүдийг зарлалаа. Шилдэг хувцас загвар зохион бүтээгчээр "The Great Gatsby" киноны хувцасны загварыг зохион бүтээгч авсан бол Шилдэг нүүр хувиргагчаар "Dallas buyers club" киноны нүүр хувиргагчид авлаа. 

"The Great Gatsby"

"Dallas buyers club"

Жаред Лето туслах эрэгтэй жүжигчний шагналыг авлаа

Жаред Лето

Америкийн кино академийн дээд шагнал "Оскар"-ийн шагнал гардуулах ёслолын ажиллагаа яг одоо үргэлжилж байна. Улаанбаатарын цагаар 08.00 цагт улаан хивсний ёслол эхэлж, 09.30 цагт шагнал гардуулах ёслол эхэллээ. 

Шагнал гардуулах ёслолын анхны шагнал гардуулах ёслолын эхний шагнал Туслах эрэгтэй жүжигчнийг зарлалаа.

Энэхүү шагналд:

- Бархад Абди "Ахмад Филлипс",

- Брэдли Күүпер "Америкийн луйвар",

- Майкл Фассбендер "Боолчлолд өнгөрүүлсэн 12 жил",

- Жона Хилл "Wall Street-ийн чоно",

- Жаред Лето "Даллас худалдан авагчдын клуб" нар нэр дэвшсэнээс Жаред Лето Оскарын анхны эзэн боллоо.