Энэ долоо хоногийн Бямба, Ням гарагт төв талбай дээр "Солонгосын соёлын өдрүүд" арга хэмжээ болно
Нийслэл Улаанбаатар хотод жил бүр уламжлал болгон зохион байгуулдаг "Солонгосын соёлын өдрүүд" арга хэмжээ есдүгээр сарын 5, 6-нд буюу энэ долоо хоногийн амралтын өдрүүдэд Д.Сүхбаатарын талбайд болох тов гарчээ.
Хоёр өдөр үргэлжлэх Солонгосын соёлын арга хэмжээний үеэр хоолны тэмцээн, поп, урлагийн тоглолт, уламжлалт тоглоом, open mic, бүжгийн үзүүлбэр үзүүлэхээр төлөвлөжээ.
"Солонгосын соёлын өдрүүд" арга хэмжээг БНСУ-ын Элчин сайдын яам болон Нийслэлийн Аялал жуулчлалын газраас хамтран зохион байгуулдаг болоод 10 гаруй жил болж байгаа билээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
