ОСК болон инженерийн байгууламжийн үйл ажиллагаа, нийтийн эзэмшлийн талбайн тохижилтын талаар иргэдээс хамгийн их гомдол иржээ
НЗДТГ-т иргэдээс ирүүлсэн гомдол, өргөдлийн дийлэнх нь орон сууцны контор болон инженерийн байгууламжийн үйл ажиллагаатай холбоотой бөгөөд нийт гомдлын 4,788 буюу 16.6 хувийг эзэлжээ.
Нийтийн эзэмшлийн талбайн тохижилт, үйлчилгээтэй холбоотой гомдол 10.7 хувь буюу 3,096 ирсэн нь эхний хоёрдугаарт эрэмбэлэгдсэн байна.
Нийслэлийн удирдах ажилтнуудын шуурхай хуралдааны үеэр "Иргэдээс ирсэн гомдол нь нийслэлээс хэрэгжүүлж байгаа ажлуудыг дүгнэж, алдаа оноог хэлдэг. Иргэдээс ирж байгаа гомдлыг аль салбар толгойлж байгааг бид харах ёстой. Тэд юу хүсээд буй, бид юуг алдаж байгааг анхаарна" хэмээн нийслэлийн удирдлагууд мэдэгдэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
