"Нийслэлийн иргэдийг ус, дулаан, цахилгаан эрчим хүчээр найдвартай хангана" гэж амлалаа
Нийслэл хотын инженер хангамжийн байгууллагуудад иргэдийг ус, дулаан, цахилгаан эрчим хүчээр найдвартай хангаж, тасалдуулахгүй байхад онцгой анхаарч бэлэн байдлыг хангаж, ажиллаж байна.
Тодруулбал цахилгаан эрчим хүчээр найдвартай хангахаар инженер хангамжийн байгууллагуудын 494 ажилтан, 17 механизм, шуурхай үйлчилгээний зургаан машин, засварын бригадын 30 машин, лабораторийн дөрвөн машинтай ажиллаж байгаа бол шөнийн бэлэн байдлын хувьд 121 ажилтан, гэрийн жижүүрийн 44 ажилтан, зургаан механизм, шуурхай үйлчилгээний найман машин, засварын бригадын 10 машинтайгаар ажиллаж байна.
Орон сууц, сургууль, цэцэрлэг, эмнэлэг, аж ахуй нэгж байгууллагуудын 14,400 гаруй барилгыг дулааны эрчим хүчээр хэвийн найдвартай, тасралтгүй хангаж байна гэж НЗДТГ-ын хэвлэл мэдээлэл, олон нийттэй харилцах хэлтсээс мэдээллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
