СЭРЭМЖЛҮҮЛЭГ: Өнөөдөр төв, зүүн, говийн аймгуудын нутгийн хойд хэсгээр дуу цахилгаантай аадар бороо орно
Өнөөдөр буюу долоодугаар сарын 18-нд төв болон зүүн аймгуудын нутаг, говийн аймгуудын нутгийн хойд хэсгээр бороо, дуу цахилгаантай аадар бороо орох тул гэнэтийн аянга цахилгаан, мөндөр, нөөлөг салхи, үер усны аюулаас сэрэмжтэй байхыг Цаг уурын байгууллагаас онцгойлон анхаарууллаа.
Өнгөрсөн шөнө Улаанбаатар хотод 0.4мм бороо орсон бол өнөөдөр Улаанбаатар, Багануур, Тэрэлж орчмоор бороо орно.
Мөн өнөөдөр Орхон гол Өлзийт сум, Сэлэнгэ мөрөн Зүүнбүрэн сум орчимд усны түвшин 10 см орчим нэмэгдэх хандлагатай байгааг мэдээлэв.
Долоодугаар сарын 17-ны өдрийн байдлаар Хангайн нурууны араас усжих Орхон гол Сайхан сум, Сэлэнгэ мөрөн Хялганат тосгон орчмоор усны түвшин өмнөх өдрөөс 20-30 см-ээр нэмэгдсэн байна. Одоогийн байдлаар ихэнх гол, мөрөн олон жилийн дундаж түвшнийг 5-130 см давсан байгаа ба Орхон гол Хархорин сум, Байдраг гол Баянбүрд орчим үерийн түвшнийг 10-20 см даван үерлэжээ.
ЗӨВЛӨМЖ:
Эх сурвалж: ЦУОШГ
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
