Сүхбаатарын талбай руу явдаг нийтийн тээврийн автобусны M1Б, М3, Ү30 чиглэлд 14:00 цаг хүртэл оруулсан өөрчлөлт
Сүхбаатарын талбайн баруун, зүүн талын авто замыг өнөөдөр 09:00-14:00 цаг хүртэл хаагаад буй. Энэ хугацаанд нийтийн тээврийн автобусны M1Б, М3, Ү30 гурван чиглэлд өөрчлөлт оруулжээ.
Уг өөрчлөлтийн талаар НТБГ-ын Тээврийн бодлого судалгааны мэргэжилтэн н.Лхагвадорж "М3: Архивын ерөнхий газар-Сүхбаатарын талбай чиглэлийн автобус Төв номын сан, Шангри Лагийн хойд талаар хөдөлгөөнд оролцож байна.
Ү30: Жанжин клуб-Натур-Сүхбаатарын талбай чиглэлийн автобус Шангри Лагийн хойд тал, Номын сан чиглэлээр зорчиж байгаа.
M1Б: Сүхбаатарын талбай-Офицеруудын ордон чиглэлийн автобус Энхтайвны өргөн чөлөөгөөр буцаж эргэж, төв талбайн урд зогсоолоос Офицеруудын ордон руу явж байна. Энэхүү зохицуулалт 14:00 цаг хүртэл үйлчилнэ" гэж мэдээллээ.
Ардын уран зохиолч Д.Пүрэвдоржийн “Тусгаар тогтнол” шүлгийг ерөнхий боловсролын сургуулийн 3,333 сурагч унших арга хэмжээ Сүхбаатарын талбай дээр болж байгаа тул замын хөдөлгөөнийг хааж, автобусны чиглэлд өөрчлөлт оруулжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
4 СЭТГЭГДЭЛТЭЙ
|
