4 сарын 12, Бямба

Онлайн шопоос гутлын тавиур худалдаж авахаар 490,000 төгрөг шилжүүлж, залилуулсан хэрэг гарчээ

П.Сайнжаргал, IKON.MN

2025 оны 4 сарын 4

iKon.MN

Гэрэл зургийг MPA агентлагийн онцгой зөвшөөрөлтэйгөөр ашиглав

Онлайн худалдаа хийх нэрийдлээр иргэдийг залилж байгаа хэргийг Цагдаагийн Ерөнхий Газар (ЦЕГ)-аас сэрэмжлүүллээ.

Тодруулбал иргэд фэйсбүүк сүлжээгээр дамжуулан онлайн дэлгүүрээс бараа бүтээгдэхүүн худалдан авахдаа төлбөрөө бүрэн шилжүүлснээр тухайн гэмт хэргийн хохирогч болсоор байна.

Нэг хоногийн хугацаанд цагдаагийн байгууллагад энэ төрлийн 12 гомдол мэдээлэл бүртгэгджээ.

Цахим залиланд өртсөн кэйс:

Дархан-Уул аймгийн нутаг дэвсгэрт онлайн шопоос бараа материал худалдаж авахаар 700,000 төгрөг шилжүүлээд залилуулсан.

Сонгинохайрхан дүүргийн нутаг дэвсгэрт онлайн шопоос гутлын тавиур худалдаж авахаар 490,000 төгрөг шилжүүлж, залилуулсан.

Фэйсбүүкээс хөргөлтийн контейнер худалдаж авахаар 2,400,000 төгрөгийг шилжүүлж залилуулсан гэх гомдол мэдээллүүдийг бүртгэлд авч, шалгалтын ажиллагааг явуулж байна.

Залилах гэмт хэрэгт өртөж байгаа шалтгаан нөхцөл нь залилагч таны хэрэгцээ шаардлагад тулгуурлаж, танд хамгийн таатай нөхцөл, зах зээлийн үнээс доогуур хямд үнийг санал болгож залилах гэмт хэргийг үйлдэж байна.

Иймд иргэд та бүхэн цахим орчинд тэр дундаа онлайн дэлгүүрээс бараа бүтээгдэхүүн худалдаж авахдаа ТӨЛБӨРӨӨ БҮРЭН ШИЛЖҮҮЛЭХГҮЙ байхыг санууллаа.

Энэ төрлийн залилах гэмт хэргийн арга, төрөл нарийсаж байгаа учир мэдээллээ сайтар нягтлахыг цагдаагийн байгууллагаас сэрэмжлүүлж байна.

Анхааруулга

Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!