ЭСЯ: Мэдээллээ буруу өгснөөс Германы хил дээрээс буцаах тохиолдол гарч байгааг анхаарна уу
Герман Улсын Франкфурт олон улсын нисэх онгоцны буудлын хил, паспортын шалгалтаар ороход буюу Шенгений бүс рүү нэвтрэхэд дараах зүйлсийг асууж, шалгаж байна.
Иймд тус улсад зорчих гэж буй иргэд та бүхэн холбогдох "баримт, мэдээллийг" урьдчилан бэлдэж, хилийн цагдаагийн асуултад саадгүй хариулж/үзүүлнэ үү:
- Буцах нислэгийн тийз /өөрийн нэр дээр/
- Байрлах зочид буудлын захиалга, хүлээн авах “иргэний” овог, нэр мөн урилга /угтагч байвал нэр, утсыг өгөх/
- Аяллын зардлыг хариуцагч, хувь хүн өөрөө бол хэдэн евротой аялахаа илэрхийлэх
- Аяллын хөтөлбөр, хөтөлбөр байхгүй тохиолдолд зорилгоо тодорхойлох /зорилго нь Шенгений визийн мэдүүлгийн хуудас бөглөсөнтэй ижил байна/
Дээрх мэдээллийг буруу өгснөөс Германы /Шенгений/ хил дээрээс буцаах тохиолдлууд гарч байгааг анхаарна уу!
Монгол Улсын албан паспортоор Шенгений бусад орон руу (Шенгений визгүй) Франкфурт-ын нисэх буудлын транзит заалаар дамжин өнгөрөх боломжгүй гэдгийг мөн анхаарна уу!
Эх сурвалж: Монгол Улсаас ХБНГУ-д суугаа ЭСЯ-ны Консулын хэлтэс
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
