Гадаадад амьдарч буй монголчуудад БИЗНЕС ЗЭРЭГЛЭЛ-ийн орон сууцтай болох шинэ боломж нээгдлээ

Сүүлийн жилүүдэд Монголчууд сурах, ажиллах зорилгоор гаднын орныг зорих нь ихэссээр байна. Албан бус судалгаагаар гаднын орныг зорьж буй иргэдийн дийлэнх нь шинээр орон сууцтай болох,  гэр бүлийнхээ амьдрах орчныг сайжруулах зорилготой явдаг байна.

Хилийн чанадад ажиллаж амьдарч буй Монголчууддаа зориулсан орон сууц худалдан авах таатай шинэ нөхцөлийг бий болгож “Active Garden” төсөл “iLease”-тэй хамтран ажиллах санамж бичиг байгууллаа. Энэхүү санамж бичгийг зурснаар "Active Garden" төсөл "iLease" хамтран ТУСГАЙ ЛИЗИНГИЙН НӨХЦӨЛӨӨР байртай болох боломжийг олгож байгаа юм.

Гадаад дахь Монголчууд дотоодын арилжааны банкны орон сууцны зээлд хамрагдах боломжгүй байдаг бөгөөд нийгмийн даатгалын шимтгэл төлдөггүй, орлого нотлох боломжгүй зэрэг асуудлууд тулгардаг. Тэгвэл ийнхүү эх орондоо бизнес зэрэглэлийн орон сууцыг ердөө 20 хувийн урьдчилгаа төлөөд сарын 1.5%-1.8% хүүтэйгээр, 48 хүртэлх сарын хугацаатай лизингээр авах боломжийг бүрдүүлж өглөө.

 

Active Garden төсөл нь олон улсын стандартын дагуу цогцолбор бүтээн байгуулалтыг төлөвлөж шинэ суурьшлын бүсэд шинэ өнгө, шинэ төрхийг бий болгож буй барилгын салбар дахь жишиг төсөл. Нийт талбайн 70%-ийг нийтийн эзэмшлийн талбай эзлэх бөгөөд ногоон байгууламжаар төгөлжүүлж, тоглоомын талбайг нас насны ангиллаар тохижуулаад зогсохгүй, хотхондоо Кембрижийн хөтөлбөртэй улсын сургуулийг төлөвлөснөөрөө онцлог давуу талтай.

Инвескор Лизинг ХХК нь 2021 оноос хойш хилийн чанадад байгаа Монголчуудад зориулан “iLease” орон сууцны лизингийн үйлчилгээг зах зээлд анхлан нэвтрүүлснээс гадна одоог хүртэл энэхүү үйлчилгээг гадаадад амьдарч буй Монголчуудад үзүүлж буй цор ганц компани юм.