IBA: Боксын эмэгтэйчүүдийн ДАШТ-д манай улсаас гурван тамирчин оролцож байна
Сербийн Нис хотод энэ сарын 8-наас 16-ныг дуустал International Boxing Association (IBA)-гаас зохион байгуулж буй 14 дэх удаагийн эмэгтэйчүүдийн Дэлхийн Аварга Шалгаруулах Тэмцээн (ДАШТ) болж байна.
ОХУ-ын Умар Кремлёвын удирддаг IBA холбооны тэмцээнд 50 орны 239 боксчин нударга зөрүүлж буй юм. Энэ удаагийн тэмцээнд Монголын боксын эмэгтэй шигшээ багаас гурван тамирчин оролцож байгаа юм.
Тодруулбал
- 51 кг: Ч.Ариунзул,
- 54 кг: Н.Оюун-Эрдэнэ,
- 57 кг: Т.Болортуул нар өрсөлдөж байна.
Манай тамирчдаас Т.Болортуул эхний тойрогт Хойд Солонгосын Ку Хён Сүкт дийлдсэн бол Н.Оюун-Эрдэнэ Өмнөд Африкийн боксчин Асихлохбанеси Хобонванаг хүнд цохилтоор буулган авчээ.
Н.Оюун-Эрдэнэ шөвгийн 16-д Венесуэлийн боксчин Йонна Гоместой тулна.
Харин Ч.Ариунзул эхний тойрогт хийлээд шөвгийн 16-д Танзанийн Сарафина Фуситай үзэлцэх хуваарьтай.
Сонирхуулахад боксын эмэгтэйчүүдийн ДАШТ-ээс манай тамирчид өмнө нь нэг мөнгө, хос хүрэл медаль авч байв. Тодруулбал 2023 онд Л.Алтанцэцэг мөнгө, М.Энхжаргал хүрэл медаль хүртсэн бол 2018 онд М.Нандинцэцэг хүрэл медаль хүртсэн юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
