ФОТО: Бейонсегийн "Cowboy Carter" шилдэг цомог боллоо

67 дахь удаагийн "Grammy Awards 2025" АНУ-ын Лос-Анжелес хотод боллоо. Энэ үдшийн гол хүн бол нэрт дуучин Бейонсе байлаа. 

Энэ жил 11 төрөлд нэр дэвшсэн америк бүсгүй тэр дундаа гол гурав болох шилдэг дуу, цомог, дуу бичлэгт өрсөлдсөн. Тэрбээр Грэммид 99 төрөлд өрсөлдсөн гэдгээрээ рекорд тогтоогоод байв.

Хэдийгээр хамгийн олон төрөлд нэр дэвшсэн ч гурван төрөлд ялалт байгуулав. Өнгөрсөн оны гуравдугаар сард гаргасан "Cowboy Carter" цомог нь оны шилдэг кантри дууны цомог болсноор Грэммигийн түүхэнд энэ төрөлд ялалт байгуулсан анхны хар арьст дуучин болов. 

Түүнчлэн дуучин Майли Сайрустай хамтран дуулсан "II Most Wanted" дуу нь түүнд бас нэгэн цом авчирсан юм.

Эцэст нь шилдэг цомгоор түүний "Cowboy Carter" тодорсон. Грэммигийн түүхэнд хамгийн олон удаа нэр дэвшиж, 33 цом авсан ч түүнд шилдэг цомогт ялсан түүх үгүй. 

Тэрбээр 2010, 2015, 2017, 2023 онд гаргасан цомгоороо энэ төрөлд өрсөлдөж байсан ч ялж байгаагүй юм.

Раппер дуучин Кендрик Ламар долоон төрөлд нэр дэвшихдээ тавд нь ялалт байгуулсан бол Баруун Виржиниагийн уянгалаг дуучин Сьерра Феррелл дөрвөн төрөлд өрсөлдөхдөө бүгдэд нь цом авчээ.

 

"Grammy Awards 2025"-ын үеэр өнгөрсөн сард гал түймэрт өртсөн Лос-Анжелес хотынхонд туслах аян өрнүүлсэн юм. Musicares.org -оор явуулсан аяны хүрээнд $7 сая цугласан аж. 

Өнөөдөр 48 нас хүрсэн Колумбын дуучин Шакира шилдэг латин дууны цомог төрөлд Грэмми хүртсэн юм. Замналынхаа турш дөрөв дэх удаагаа Грэмми хүртэж буй дуучин бүсгүй АНУ-ын ерөнхийлөгч Дональд Трампын цагаачдын эсрэг хэрэгжүүлж буй бодлогыг эрс шүүмжилсэн нь олны анхаарлыг татлаа.

Тэрбээр шагналаа авсныхаа дараа "Цагаач ах, дүү нар аа. Та бүгд үнэ цэнтэй шүү" хэмээн урмын үг хэлжээ. 

Цагаач иргэдийн төлөө Шакира дуугарсан бол трансжендерүүдийн төлөө дуучин Лэди Гага үг хэлэв. Нэрт дуучин Бруно Марсын хамт поп дууны хослол төрөлд ялагчаар тодорсон тэрбээр транс хүмүүсийг үл үзэгдэгчид биш гээд тэднийг бусдын адил хайрлуулах эрхтэй гэж онцолсон юм.   

Шилдгүүд

Оны шилдэг цомог

• Ялагч: Beyoncé - Cowboy Carter
• André 3000 - New Blue Sun
• Sabrina Carpenter - Short n' Sweet
• Charli XCX - Brat
• Jacob Collier - Djesse Vol 4
• Billie Eilish - Hit Me Hard and Soft
• Chappell Roan - The Rise and Fall of a Midwest Princess
• Taylor Swift - The Tortured Poets Department

Оны шилдэг бичлэг

• Ялагч: Kendrick Lamar - Not Like Us
• The Beatles - Now And Then
• Beyoncé - Texas Hold 'Em
• Sabrina Carpenter - Espresso
• Charli XCX - 360
• Billie Eilish - Birds of a Feather
• Chappell Roan - Good Luck, Babe!
• Taylor Swift ft Post Malone - Fortnight

Оны шилдэг дуу

• Ялагч: Kendrick Lamar - Not Like Us
• Beyoncé - Texas Hold 'Em
• Sabrina Carpnter - Please Please Please
• Billie Eilish - Birds Of A Feather
• Lady Gaga & Bruno Mars - Die With a Smile
• Chappel Roan - Good Luck, Babe!
• Shaboozey - A Bar Song (Tipsy)
• Taylor Swift ft Post Malone - Fortnight

Шилдэг залуу уран бүтээлч

• Ялагч: Chappell Roan
• Benson Boone
• Sabrina Carpenter
• Doechii
• Khruangbin
• Raye
• Shaboozey
• Teddy Swims

ФОТО

Эх сурвалж: CNN