"Нийслэлд 1,541 хүүхэд хэвтэн эмчлүүлж байгаагаас 87.8 хувь нь амьсгалын замын халдварын шалтгаантай"

Гэрэл зургийг MPA агентлагийн онцгой зөвшөөрөлтэйгөөр ашиглав

Халдварт өвчин судлалын үндэсний төв /ХӨСҮТ/-өөс томуу, томуу төст өвчний нөхцөл байдлын талаар өнөөдөр мэдээлэл өглөө.

Нийслэлийн хэмжээнд томуу, томуу төст өвчний тархалт сүүлийн долоо хоногийн мэдээгээр дэгдэлтийн түвшинд байгаа юм байна. 

Сүүлийн долоо хоногт Булган, Өвөрхангай, Сүхбаатар, Увс аймаг болон Улаанбаатар хотын тандалтын эмнэлгүүдэд томуугийн шалтгаанаар хандсан хүмүүсийн сорьцод 62.2 хувьд нь томуу, томуу төст өвчин үүсгэгч дараах таван төрлийн вирусүүд илэрчээ. 

• Амьсгалын замын синцитиал вирус - 30 хувь 
• Томуугийн H1N1 хэв шинжийн вирус- 26.3 хувь 
• H томуугийн вирус- 2 хувь 
• SARS-CoV вирус - 1 хувь 

Нийт өвчлөгсдийн 19.1 хувийг 0-1 нас, 20.2 хувийг 2-4 нас, 20.6 хувийг 5-9 нас, 22.9 хувийг 10-15 насны хүүхдүүд эзэлж байгаа аж. 

Өнөөдрийн байдлаар нийслэлийн хэмжээнд 20 эмнэлэгт 1,541 хүүхэд хэвтэн эмчлүүлж байгаагаас 87.8 хувь нь амьсгалын замын халдварын шалтгаантай байгаа юм байна.