З.Төмөртөмөө: Нийслэлийн гэр хорооллыг орон сууцжуулахад хичээж ажиллах болно

Засгийн газрын өнгөрсөн сарын хуралдаанаар 2025 оныг “Нийслэлийн бүтээн байгуулалтыг дэмжих жил" болгон зарласан. Энэ хүрээнд НИТХ-аас орон нутгийн өмчит “Улаанбаатар орон сууцжуулалт” ХХК байгуулах тухай тогтоолыг баталжээ. Ингэхдээ компанийн дүрмийн сангийн хөрөнгийг гурван тэрбум төгрөг байхаар нийслэлийн төсөвт тусгасан байна.

“Улаанбаатар орон сууцжуулалт” ХХК нь Хот, тосгоны хөгжлийн ерөнхий төлөвлөгөө болон хэсэгчилсэн төлөвлөгөөний дагуу гэр хорооллыг орон сууцжуулах үйл ажиллагааг хэрэгжүүлэх чиг үүрэгтэй. Тус компанийг НИТХ-ын төлөөлөгч З.Төмөртөмөө удирдахаар болжээ.

Тэрбээр "Гэр хорооллын дахин төлөвлөлт, ашиглалтын шаардлага хангаагүй орон сууцыг нураах, барилгажуулах зэрэг бүтээн байгуулалтын ажлыг хариуцан ажиллана. Итгэл хүлээлгэсэнд талархал илэрхийлье. Хичээн ажиллах болно" гэв.

 

Орон нутгийн өмчит “Улаанбаатар орон сууцжуулалт” ХХК-ийн гүйцэтгэх захирлаар томилогдсон З.Төмөртөмөөгийн танилцуулга: 

ТӨГССӨН СУРГУУЛЬ, МЭРГЭЖИЛ

• 1995-2005 он Баянхонгор аймгийн 3-р дунд сургууль 
• 2005-2010 он Соёл урлагийн их сургууль,  Соёл урлагийн удирдлага
• 20014-2016 он  Сан дээд сургуульд магистрын зэрэг хамгаалсан.

АЖЛЫН ТУРШЛАГА

• 2006-2009 он  “Их монгол” радиогийн Гүйцэтгэх захирал
• 2012-2013 он “Royal TV” телевизийн Гүйцэтгэх захирал
• 2013-2015 он “Zaluu.com” сайтын Гүйцэтгэх захирал
• 2010-2015 он НАМОХ-ны дэд ерөнхийлөгч
• 2014-2015 он ШӨХТГ-ын даргын зөвлөх
• 2015 оноос “Монголын оюутны холбоо”-ны дэд ерөнхийлөгч
• 2016 оноос УИХ-ын Тамгын газарт гишүүний зөвлөх
• 2016 оноос СУИС-ийн Удирдах зөвлөлийн гишүүн
• 2016 оноос УИХ-ын Ажлын албаны гишүүний зөвлөх
• 2019 оноос УИХ-ын даргын зөвлөх
• 2021-2021 он Нийслэлийн Засаг даргын Агаар, орчны бохирдлын асуудал хариуцсан төслүүдийн удирдагч
• 2021-2023 он Нийслэлийн Засаг даргын нийгмийн хөгжил, боловсрол, эрүүл мэндийн асуудал хариуцсан орлогч
• 2020-2024 он Нийслэлийн Иргэдийн Төлөөлөгчдийн Хурлын Төлөөлөгч
• 2024 оноос Нийслэлийн Иргэдийн Төлөөлөгчдийн Хурлын Төлөөлөгчөөр сонгогджээ.