• 1 сарын 8, Лхагва
|
Уншиж байна ...
Зураг
Зураг

Харбины мөсөн сийлбэрийн тэмцээнд Монголын баг түрүүлэв

Э.Тэмүүлэн, iKon.mn
Өчигдөр 14 цаг 03 минут
IKON.MN
Зураг зураг

БНХАУ-ын Харбин хотод 41 дэх удаагийн цас, мөсний наадам нээлтээ хийлээ. Тус наадмын үеэр мөсөн сийлбэрийн тэмцээн зохион байгуулдаг уламжлалтай. 

21 дэх удаагаа болж буй уг тэмцээнд Монгол, БНХАУ, БНСУ, ОХУ, Испани, АНУ, Эквадор, Франц, Энэтхэг, Мексик, Серби, Монтенегро зэрэг орны 60 гаруй сийлбэрч оролцсон байна.

Манай улсаас дөрвөн баг оролцсон бөгөөд З.Ганжаргал, Х.Алтанхүү нарын баг түрүүлж, Д.Цэрэнбат, Б.Баярсайхан нар дэд байр эзэлжээ.

Харбины мөсөн сийлбэрийн тэмцээнд манай урлаачид 2010 оноос хойш оролцож байгаа юм. 

зураг
 

Өвлийн аялал жуулчлалыг дэмжих үүднээс Харбинд жил бүр цас, мөсний наадам зохион байгуулдаг билээ. Энэ жил тус хотод Азийн өвлийн спортын IX наадам ирэх сарын 7-14-нд болох юм. Үүний хүрээнд мөсний баярын үйл ажиллагааг ч спортыг дэмжих, тэр дундаа өвлийн спортыг сурталчлах арга хэмжээ олон зохион байгуулагдсан байна.