УИХ-ын гишүүн Г.Тэмүүлэн заалнаас өөрийнхөө нэрийг Ерөнхий сайдад дэвшүүлжээ
МАН-ын Бага хурал Тусгаар тогтнолын ордонд үргэлжилж байна.
60 гаруй хувийн ирцтэй эхэлсэн хурлаас шинэ Ерөнхий сайдыг тодруулна. Үүний өмнө МАН-ын Удирдах зөвлөл хуралдаад Ерөнхийлөгчийн Тамгын газрын дарга Г.Занданшатарыг Ерөнхий сайдад нэр дэвшүүлэхийг 100 хувийн саналаар дэмжсэн юм.
Уг асуудлыг Бага хурлаар оруулж, хэлэлцэж эхлэх үед УИХ-ын гишүүн Г.Тэмүүлэн заалнаас өөрийн нэрийг Ерөнхий сайдад дэвшүүлж буйгаа мэдэгдсэн байна.
Ингээд Бага хурлын гишүүд Г.Занданшатар, Г.Тэмүүлэн нараас асуулт асууж, хариулт авч байгаа бөгөөд үүний дараа санал хураалтыг нууцаар, цаасаар явуулахаар болжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
