XacБанк 7-17 насныханд зориулсан XacTeen+ аппликейшнээ танилцуулж байна

Хүүхдүүд ихэвчлэн 7–17 насандаа эцэг, эхийнхээ өгдөг халаасны мөнгөөр санхүүгийн ертөнцөд анх хөл тавьдаг. Гэвч бэлэн мөнгө гэдэг хэзээ, хаана, хэдийг зарцуулснаа хянахад асуудалтайн дээр нэлээд эрсдэлтэй зүйл. Карт байлаа ч гэсэн өөрөө үлдэгдлээ шалгах, шилжүүлэг хийх боломжгүй тул санхүүгээ бие даан бүрэн удирдахад мөн л учир дутагдалтай. Дийлэнхдээ хяналт нь аав, ээжийн гарт, хэрэглээ нь хүүхдэд хагас дутуу үлдсэнээр үр дүнд нь “мөнгө гэдэг бол хэзээд дуусдаггүй, аав ээж л байвал гарч ирдэг зүйл” хэмээх ойлголтыг өгч, мөнгийг хадгалах, төлөвлөх, зөв зарцуулахад суралцахгүйгээр өсөх муу талтай.

Тэгвэл ХасБанк энэ бүх асуудлыг ухаалаг бөгөөд хөгжилтэй хэлбэрээр шийдэж, хүүхэд өсвөр үеийнхний хүсэл сонирхолд тохируулан ХасTeen+ апп-ыг бүтээснээ танилцуулж байна.

Ухаалаг гэсний учир нь таны хүүхэд санхүүгийн ертөнцөд хөл тавихдаа өөрийн сонголтоор дахин давтагдахгүй өнгө төрхийг бүтээж, өдөр тутмын санхүүгээ өөрт сонирхолтой хэлбэрээр бүрэн удирдана. Мөн апп-аар зарцуулалтаа хянаснаар хэмнэж, хуримтлуулах зуршилтай болно.

XacTeen+ апп-ийн онцлог:

• Өөрийн хүрээллээ үүсгэж, хүссэн нэр, 🦄emoji-ээр чим
  Гэр бүл, найз нөхөд, эсвэл байнга үйлчлүүлдэг газруудынхаа дансыг өөрт таалагдсан нэр, emoji-ээр тэмдэглэ. Ингэснээр шилжүүлэг хийхдээ хайлтгүй, шууд олж, яг хүссэн хүндээ хялбархан шилжүүлнэ.
• Үйлдэл бүрд хариу үзүүлэх амьд мэт харилцаа
  Гүйлгээ хийх, шилжүүлэг хүлээн авах бүрд сонирхолтой эффектээр харуулах тул амьд мэт мэдрэмж төрнө.
• Хуваалцахад амархан
  Гүйлгээний баримтаа шууд Messenger, Instagram зэрэг сошиал хаягт илгээж болно.
• ХасБанк дотор шилжүүлэг хийхэд ямар ч шимтгэлгүй
  Найзууд болон ангиараа XacTeen+ апп-тай болчихвол шилжүүлэх бүрдээ шимтгэл төлж, халаасны мөнгөнөөсөө хасуулах хэрэггүй болно.

Харин хөгжилтэй гэсний учир нь хүүхэд тань халаасны мөнгөө ухаалгаар зарцуулж, санхүүгээ бүрэн удирдангаа ХасБанкнаас зарлах олон сонирхолтой урамшуулал хөтөлбөрт хамрагдахын зэрэгцээ уралдаанд оролцож, төрөл бүрийн шагнал авах боломжтой.   

Хэрхэн ХасTeen+ хэрэглэгч болох вэ?

Анхлан бүртгүүлэхдээ аав ээжүүд болон 7-17 насныхан маань ХасБанкны данстай бол emongolia-р апп-д нэвтрэн баталгаажуулахад хангалттай. Харин ХасБанканд хараахан дансгүй бол өөрт ойр байрлах салбарт хандан XacTeen+ апп ашиглах эрхээ нээлгээрэй.