Зургаадугаар сарын 10-нд нутгийн баруун хагаст, 11-нд нутгийн төв хэсгээр бороо орж, сэрүүхэн байна

Гэрэл зургийг MPA агентлагийн онцгой зөвшөөрөлтэйгөөр ашиглав

Зургаадугаар сарын 9-18-ныг хүртэлх ирэх 10 хоногийн цаг агаарын урьдчилсан төлөвийг Цаг уур, орчны шинжилгээний газраас мэдээллээ. 

Зургаадугаар сарын 10-нд нутгийн баруун хагаст, Зургаадугаар сарын 11-нд нутгийн төв хэсгээр бороо орж, сэрүүхэн байх төлөвтэй байна. 

Хур тунадас:

• Зургаадугаар сарын9-нд Увс нуурын хотгор, Алтай, Хөвсгөлийн уулархаг нутаг, Халх голын сав нутгаар,
• Зургаадугаар сарын 10-нд баруун аймгуудын нутгийн хойд, төвийн аймгуудын нутгийн баруун болон хойд хэсгээр,
• Зургаадугаар сарын 11-нд баруун аймгуудын нутгийн зарим газар, төвийн аймгуудын ихэнх нутаг, зүүн аймгуудын нутгийн баруун хэсгээр,
• Зургаадугаар сарын 12, 13-нд нутгийн зарим газраар,
• Зургаадугаар сарын 14-нд төв, говь, зүүн аймгуудын нутгийн зарим газраар,
• Зургаадугаар сарын 15-нд зүүн аймгуудын нутгийн зүүн хэсгээр бороо орно. 

Салхи: Ихэнх хугацаанд ихэнх нутгаар секундэд 5-10 метр, борооны өмнө салхи түр зуур ширүүснэ. 

Агаарын температур:

• Ихэнх хугацаанд нутгийн хойд хэсгээр сэрүүхэн Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Эг, Үүр голын хөндийгөөр шөнөдөө +1...+6 градус дулаан, өдөртөө +15...+20 градус,
• говийн бүс нутгийн өмнөд хэсгээр шөнөдөө +11...+16 градус, өдөртөө +26...+31 градус,
• Их нууруудын хотгор болон говийн бүс нутгийн хойд хэсгээр шөнөдөө +8...+13 градус, өдөртөө +21...+26 градус,
• бусад нутгаар шөнөдөө +5...+10 градус, өдөртөө +18...+23 градус дулаан байна. 

Улаанбаатар хотод зургаадугаар сарын 11,12-нд бороо орно 

Хур тунадас:  Зургаадугаар сарын 11-нд бороо орно, 13-нд бага зэргийн бороо орно.

Салхи: Ихэнх хугацаанд секундэд 5-10 метр, борооны өмнө салхи түр зуур ширүүснэ.

Агаарын температур: Шөнөдөө +5...+10 градус, өдөртөө +18...+23 градус дулаан байна.