Л.Төр-Од: Хувийн хэвшлийн хийж чадаж байгаа ажлыг ТӨК, ОНӨК гүйцэтгэхгүй байх зарчмыг хуулийн төсөлд тусгасан
Төрийн болон орон нутгийн өмчит компанийн бүтээмжийг нэмэгдүүлэх, засаглалыг сайжруулах тухай хуулийн төслийн хэлэлцүүлэг өнөөдөр боллоо.
Уг хууль нь бизнес эрхлэгч, хувийн хэвшилд чухал ач холбогдолтой гэдгийг МҮХАҮТ-ЫН ерөнхийлөгч Л.Төр-Од онцлов.
Тэрбээр "Уг хуулийн гол зарчим нь төрийн болон орон нутгийн өмчит компаниуд хувийн хэвшлийн аж ахуйн нэгжтэй өрсөлдөхгүй байх. Өрсөлдөж байгаа тохиолдолд шударгаар өрсөлдөх. Мөн төрийн өмчит үйлдвэрийн газруудыг ашигтай ажиллуулах. Ашигтай ажиллаж байгаа тохиолдолд төрийн өмчит компанийн хэлбэрт оруулж, компанийн засаглалын зарчмуудыг хэрэгжүүлэх юм.
Төрийн өмчит үйлдвэрийн газруудыг гурван жил ашиггүй ажиллаж байгаа тохиолдолд татан буулгаж, үйл ажиллагааг нь хувийн хэвшилд шилжүүлэхээр хуулийн төсөлд тусгагдсан байгаа.
Хувийн хэвшлийн хийж чадаж байгаа ажлыг ТӨК, ОНӨК гүйцэтгэхгүй байх зарчмыг хэрэгжүүлэхгүй байх үндэс суурь нь уг хуульд бий" гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
8 СЭТГЭГДЭЛТЭЙ
|
