Нэгдүгээр сарын 9-нд нутгийн баруун хагаст, 10-нд нутгийн төв хэсгээр, 11-нд нутгийн зүүн хагаст цасан шуурга шуурна

Гэрэл зургийг MPA агентлагийн онцгой зөвшөөрөлтэйгөөр ашиглав

Цаг уур, орчны шинжилгээний газраас 2025 оны нэгдүгээр сарын 6-15-ныг хүртэлх 10 хоногийн цаг агаарын урьдчилсан төлөвийг мэдээллээ. 

Нэгдүгээр сарын 9-нд нутгийн баруун хагаст, 10-нд нутгийн төв хэсгээр, 11-нд нутгийн зүүн хагаст цас орж, цасан шуурга шуурна. 

Хур тунадас:

• Нэгдүгээр сарын 6,7-нд Хэнтийн уулархаг нутаг, Дорнод-Дарьгангын тал нутаг, Халх голын сав газраар,  
• Нэгдүгээр сарын 8-нд Алтайн уулархаг нутаг болон Халх голын сав газраар,
• Нэгдүгээр сарын 9-нд баруун аймгуудын ихэнх нутгаар,
• Нэгдүгээр сарын 10-нд баруун, төв, говийн аймгуудын нутгийн зарим газраар,
• Нэгдүгээр сарын 11-нд төв, говь, зүүн аймгуудын нутгийн зарим газраар,
• Нэгдүгээр сарын 12-нд Алтай, Хангайн уулархаг нутгаар,
• Нэгдүгээр сарын 13-нд баруун болон төвийн аймгуудын нутгийн зарим газраар,
• Нэгдүгээр сарын 14-нд нутгийн зүүн хэсгээр,
• Нэгдүгээр сарын 15-нд Халх голын сав газраар цас орно.

Салхи: Ихэнх хугацаанд говь, тал, хээрийн нутгаар секундэд 7-12 метр, 09-нд баруун аймгуудын ихэнх нутгаар, 10,11-нд нутгийн зарим газраар секундэд 16-18 метр хүрч ширүүснэ. 

Агаарын температур:

• Дархадын хотгор, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө -38...-43 градус, өдөртөө -26...-31 градус,
• Монгол-Алтай, Хангай, Хөвсгөл, Хэнтийн уулархаг нутаг, Эг, Үүр, Хараа, Ерөө, Туул, Тэрэлж, Хэрлэн, Онон, Улз голын хөндийгөөр шөнөдөө -29....-34 градус, өдөртөө -19....-24 градус,
• Говийн бүс нутгийн өмнөд хэсгээр шөнөдөө -12...-17 градус, өдөртөө -5...-10 градус,
• бусад нутгаар шөнөдөө -22...-27 градус, өдөртөө -12...-17 градус хүйтэн байна. 

Улаанбаатар хот орчмын 10 хоногийн цаг агаарын урьдчилсан төлөв

Хур тунадас: Нэгдүгээр сарын 7-нд ялимгүй цас, 11-нд цас орж, зөөлөн цасан шуурга шуурна. Бусад хугацаанд цас орохгүй.  

Салхи: Ихэнх хугацаанд секундэд 5-10 метр, 07, 11-нд баруун өмнөөс хойш эргэж секундэд 12-14 метр хүрч ширүүснэ. 

Агаарын температур: Яармаг-Сонгины орчмоор шөнөдөө -27...-32 градус, бусад хэсгээр шөнөдөө -24...-29 градус, өдөртөө -12...-17 градус хүйтэн байна.