• 1 сарын 7, Мягмар
|
Уншиж байна ...

"УБЦТС компанийн Баянзүрх хэрэглэгчдэд үйлчлэх төвийн салбар танхим II нүүсэн"

Д.Янжиндулам, ikon.mn
Өчигдөр 8 цаг 25 минут
iKon.MN
Зураг зураг

Монгол-Японы эмнэлгийн байранд байсан "УБЦТС" ТӨХК-ийн "Баянзүрх хэрэглэгчдэд үйлчлэх төвийн салбар танхим II" нүүжээ.

Тодруулбал "УБЦТС" ТӨХК-ийн "Баянзүрх хэрэглэгчдэд үйлчлэх төвийн салбар танхим II" нь Баянзүрх дүүргийн 24-р хороо Эрдэнэтолгойн нэгдүгээр гудамж, Да хүрээ зах руу явах зам дагууд "Сэйф центр"-ийн хоёрдугаар давхарт байршсан байна.

Тус салбар өнөөдрөөс эхлэн дүүргийн зүүн захаар суурьшилтай хэрэглэгчдэд цахилгаан эрчим хүчээр хангах гэрээ байгуулах, гэрээний мэдээлэл шинэчлэх, төлбөр хураах, тоолуур, техникийн үйлчилгээ үзүүлэх болон цахилгаан эрчим хүчтэй холбоотой үйлчилгээний мэдээлэл, зөвлөгөө өгөх үйлчилгээг үзүүлнэ гэж "УБЦТС" ТӨХК-аас мэдээллээ.