Л.Энх-Амгалан: Хөнгөлөлттэйгөөр тэтгэвэрт гарч байгааг эргэж харах шаардлагатай

Гэрэл зургийг MPA агентлагийн онцгой зөвшөөрөлтэйгөөр ашиглав

Өнөөдрөөс ажил олгогч, даатгуулагчийн төлж байгаа шимтгэлээс 2% нь шимтгэл төлж буй иргэн бүрд тэтгэврийн мөнгөн хуримтлал болж нэрийн дансанд нь байршиж байна. 

Үүнтэй холбогдуулан тэтгэврийн шинэчлэлийн талаар өнөөдөр УИХ-ын гишүүн, Гэр бүл, хөдөлмөр, нийгмийн хамгааллын сайд Л.Энх-Амгалан дараах мэдээллийг өглөө. 

Тэтгэврийн шинэчлэлийг хийхэд дараах гурван зарчмыг баримталж байгаа аж. 

1. Тэтгэвэрт гараад амьдралдаа хүрэлцэхүйц хэмжээний орлоготой байх ёстой. 
2. Шударга байх ёстой. Нэг хэсэг нь хуулийн хөнгөлөлт, жилээ илүү тооцоолуулаад тэтгэвэрт гардаг байж болохгүй. 
3. Тэтгэврийн сан тогтвортой байж урт хугацаанд үр өгөөжөө өгч байх ёстой.    

Шинэчлэлийн тухай тэрбээр дараах зүйлсийг онцлов. 

• Тэтгэвэрт гарсны дараа олон эх үүсвэрээс буюу суурь тэтгэвэр, шимтгэлд суурилсан тэтгэвэр, хувийн болон сайн дурын тэтгэврээс тэтгэвэр авдаг  болно. 
• Тэтгэврийн хуваарилалтын тогтолцооноос хагас хуримтлалын тогтолцоо руу шилжиж байна. 
• Тэтгэвэр бодоход дараалсан таван жилийг нэмэгдүүлэх. 
• Тэтгэврээ эрт тогтоолгох тохиолдолд тэтгэврийн хэмжээ буурна. Хожуу тогтоолгох тохиолдолд тэтгэврийн хэмжээ нэмэгдэнэ. 
• Тэтгэврийн ердийн болон эрт тэтгэвэрт гарах насыг нэмэгдүүлэх (Малчин, хүүхдийн тоо, хөдөлмөрийн хэвийн бус нөхцөл г.м) Хөнгөлөлттэйгөөр тэтгэвэрт гарч байгаа хуулиудыг эргэж харах шаардлагатай. 
• Ажил олгогчоос төлөх шимтгэлийн дээд хэмжээнд хязгаар тогтоож, хувийн нэмэлт тэтгэврийн тогтолцоог хэрэгжүүлэх боломжийг бүрдүүлэх