Б.Баасанхүү, Л.Анхзаяа нар ОНЫ ШИЛДГИЙН ШИЛДЭГ ТАМИРЧИД боллоо
Монголын Үндэсний Олимпын Хороо (МҮОХ)-ны тэргүүн дээд шагнал гардуулах "Бөртэ Чоно 2024" ёслолын ажиллагаа өнөөдөр боллоо.
Энэ удаагийн шилдгийн шилдэг тамирчдыг уламжлал ёсоор Монголын Спортын Сэтгүүлчдийн Холбоо (МССХ)-ны гишүүн 57 сэтгүүлчийн саналаар тодруулсан юм.
Оны шилдэг эмэгтэй тамирчинд 18 хүн нэр дэвшсэнээс хамгийн их саналыг Монгол Улсын гавьяат тамирчин С.Цэрэнчимэд, М.Анхцэцэг нар авсан бол шилдгийн шилдгээр нь олимпын мөнгө, ДАШТ-ий алтан медальт Б.Баасанхүү тодорч, шилжин явах цомын эзэн боллоо.
Тэгвэл эрэгтэй шилдгээр марафонч Б.Сэр-Од, чөлөөт бөхийн Т.Тулга нар тодорч, шилдгийн шилдгээр нь ДАШТ-ээс хүрэл медаль хүртсэн Л.Анхзаяа тодров.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
