"Кливлэнд Кавальерс" улирлын эхний 15 тоглолтод дараалан хожсон дөрөв дэх баг боллоо
NBA-гийн 2024-2025 оны улиралд одоогоор хожигдоогүй яваа ганц баг бол "Кливлэнд Кавальерс". Морин цэргүүд улирлын эхний 15 тоглолтод дараалан хожсон лигийн түүхэнд дөрөв дэх баг болжээ.
Тус багийн холбогч Дариус Гарланд "Шарлотт Хорнетс"-ыг 128:114-өөр хожиход 25 оноо, 12 оновчтой дамжуулалт өгсөн бол багийн лидер Донован Мичелийн эзгүйд гараанд гарсан Тай Жером 24 оноо авав.
Еван Мобли 23 оноо, 11 самбар, Жаррэт Аллен 21 оноо, 15 самбараас бөмбөг авсан бол эсрэг багийн лидер ЛаМело Болл 31 оноо авсан ч багаа ялалтад хүргэж чадсангүй.
NBA-гийн түүхэнд өмнө нь гуравхан баг л улирлын эхний 15 тоглолтод дараалан ялж байв. Анх 1949 онд тухайн үеийн "Вашингтон Капитолс", 1994 онд "Хьюстон Рокетс" баг эхний 15 тоглолтод хожсон бол 2016 онд "Голден Стэйт Уорриорс" энэ цувралыг бүр 24-д хүргэсэн түүхтэй.
Улирлыг амжилттай эхлүүлсэн дээрх гурван баг гурвуулаа шигшээд шалгарсан ч 1994 оны "Хьюстон Рокетс" л аваргын цом хүртсэн юм.
Эх сурвалж: BBC
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
