Иргэдийн чанаргүй зээлийн хэмжээ 567.8 тэрбум төгрөгт хүрчээ

Төгрөгийн хадгаламж: 

20.7 их наяд төгрөг байгаагийн 86.4 хувийг иргэдийн хадгаламж, 13.6 хувийг ААН, байгууллагын хадгаламж эзэлж байна.

Мөнгөний нийлүүлэлтийн

• 19.9 хувь буюу 8.4 их наяд төгрөгийг гадаадын цэвэр актив
• 80.1 хувь буюу 33.7 их наяд төгрөгийг дотоодын цэвэр актив бүрдүүлж байна.

Нийт зээлийн өрийн үлдэгдэл энэ оны аравдугаар сарын эцэст 35.4 их наяд төгрөг болж, өмнөх оны мөн үеэс 9.1 их наяд төгрөгөөр өссөн.

Уг өсөлтөд иргэдийн зээлийн өрийн үлдэгдэл 6.2 их наяд төгрөгөөр өссөн нь голлон нөлөөлсөн.

Хувийн байгууллагын зээлийн өрийн үлдэгдэл: 

Энэхүү үлдэгдэл өмнөх оны мөн үеэс 2.5 их наяд төгрөгөөр өссөн байна.

Зээлийн өрийн үлдэгдлийн

• 60.4 хувь нь иргэдийнх
• 37.7 хувь нь хувийн байгууллагынх
• 0.8 хувь нь төрийн байгууллага
• 1.1 хувь нь санхүүгийн болон бусад байгууллагуудынх эзэлж байна.

Нийт өрийн үлдэгдлийн 90.5 хувь нь хэвийн зээл, 3.7 хувийг анхаарал хандуулах зээл, 5.8 хувийг чанаргүй зээл тус тус эзэлжээ. 

Чанаргүй зээлийг задалж харвал: 

1.5 их наяд төгрөг буюу 72.1 хувь нь хувийн салбарт, 567.8 тэрбум төгрөг буюу 27.5 хувийг иргэдийн зээл эзэлж байна.

Хэвийн зээлийн өрийн үлдэгдэл 32.1 их наяд төгрөг болж, өмнөх оны мөн үеэс 9.3 их наяд төгрөгөөр өссөн. 

Мөн

• Анхаарал хандуулсан зээлийн өрийн үлдэгдэл нь 1.3 их наяд төгрөг болж өмнөх оны мөн үеэс 100.7 тэрбум төгрөгөөр буюу 7.2 хувиар
• Чанаргүй зээл нь 2.1 их наяд төгрөг болж өмнөх оны мөн үеэс 122.6 тэрбум төгрөг буюу 5.6 хувиар тус тус буурсан байна.