Олон Улсын Хөлбөмбөгийн Холбооны ерөнхийлөгч Жианни Инфантиногоос илгээмж иржээ
Олон Улсын Хөлбөмбөгийн холбоо (FIFA)-ны Ерөнхийлөгч Жианни Инфантиногоос Монголын Хөлбөмбөгийн Холбоо (МХХ)-ны ерөнхийлөгч М.Болдод баяр хүргэж захидал илгээжээ.
Захидлын агуулга нь Монголын хөлбөмбөгийн эмэгтэйчүүдийн лигийн аварга, “Ховд Вестерн ФС”-ийн тамирчдад тусгайлан баяр хүргэхийн ялдамд МХХ-ны эмэгтэйчүүдийн хөлбөмбөгийн спортыг хөгжүүлэхэд дэмжлэг үзүүлж, хичээл зүтгэл гаргаж буйд талархал илэрхийлсэн байна.
Энэхүү талархлын захидлыг МХХ-ны ерөнхийлөгч М.Болд өнөөдөр "Ховд Вестерн ФС" клубийн гүйцэтгэх захирал Б.Санжаа, эмэгтэйчүүдийн багийн ахлагч, хүүхдийн багийн дасгалжуулагч А.Алтантуяа нарт уламжилж, гардуулан өглөө.
Эх сурвалж: Монголын Хөлбөмбөгийн Холбоо
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
