“Юнигаз” ХХК хийн бойлер суурилуулах хоёр айлаа сонголоо

“Юнигаз” ХХК 20 жилийн ойн хүрээндээ агаар, орчны чанарыг дээшлүүлэх, байгальд ээлтэй нийгмийн хариуцлагын үйлс бүтээхээр “ЗӨВ ХИЙН ХАЛААЛТ” төслийг санаачилсан ба гэр хороолол, зуслангийн бүсэд амьдарч байгаа айл өрхөөс техникийн шаардлага хангасан 2 айлыг сонгон, халаалт, хэрэглээний халуун усыг нэг дор шийдсэн, Солонгосын Навиен брэндийн хийн бойлерыг цогцоор нь ҮНЭ ТӨЛБӨРГҮЙ суурилуулж өгөхөөр боллоо.

 

“Зөв Хийн Халаалт” хөтөлбөрт 300 орчим айл өрх хамрагдах хүсэлтээ илгээснээс,

• Хийн баллоны өрөө гаргах боломжтой,
• Узелийн өрөөтэй,
• Сан техникийн өрөөтэй,
• Байшингийн дулаан алдагдал бага,
• Нам даралтын зуухаар халаалтаа шийдсэн гэх зэрэг үндсэн шаардлагуудыг хангасан эсэхийг инженер техникийн ажилтнууд нарийн шалгасны дүнд хийн халаалтын цогц системийг суурилуулах хоёр айлаа сонгосон байна.

 

СБД-ийн 16-р хорооны иргэн Б.Амарбат болон БЗД-ийн 27-р хорооны иргэн н.Даваасүрэн нарын байшин хийн халаагуурын систем суурилуулахад техникийн шаардлагыг бүрэн хангасан учир сонгогдож, 2024 оны 11-р сарын 1-ний өдөр Солонгосын Навиен брэндийн хийн бойлерын системийг цогцоор нь ҮНЭ ТӨЛБӨРГҮЙ авах, үнэ төлбөргүй суурилуулах эрхийн батламжаа хүлээн авлаа.

 

Сонгон шалгаруулалт 2 үе шаттай явагдсан ба 2024 оны 10-р сарын 15 хүртэл айл өрх, албан байгууллагын хүсэлтийг онлайнаар хүлээн авч, байшин, барилга байгууламж нь техникийн шаардлага хангасан эсэхийг шалгасны дараа 2-р шатанд тэнцсэн оролцогчдыг өдөр олон нийтэд мэдээллээ.

Мөн “Юнигаз” ХХК төвийн дулаан хангамжид холбогдоогүй 20 аж ахуй нэгжид Навиен брэндийн хийн бойлерын каскад системийг 20%-ийн хөнгөлөлттэй үнээр угсарч суурилуулан, хүлээлгэн өгөхөөр батламж гардууллаа.

 

Солонгосын НАВИЕН бойлер нь хэрэглээний халуун ус, халаалтын асуудлыг нэг дор шийдэх, өндөр үр ашигтай, найдвартай ажиллагаа, нарийн инженерчлэл бүхий орчин үеийн ухаалаг шийдэлтэй, хийн халаагуур юм. Хийн бойлер суурилуулах хүсэлттэй айл өрх болон, аж ахуйн нэгж байгууллага “Юнигаз” ХХК-тай холбогдон, ХИЙН ХАЛААЛТ-ын системийн талаар дэлгэрэнгүй мэдээлэл аваарай.

Навиен хийн бойлерын талаар shorturl.at/oKOxu хаягт хандан авна уу.

“ЗӨВ ХИЙН ХАЛААЛТ” төслийн талаар 7575-7755, 9906-2812 дугаараас лавлах боломжтой.